Juicy叮｜遲到女客不獲「補飛」大鬧職員壽司郎企硬：30分鐘係原則

2022-01-11 13:44

日本迴轉壽司連鎖店「壽司郎」近日有顧客因籌號逾時不獲「補飛」而指罵店員，在網上引起熱議。「壽司郎」昨晚在社交媒體發文回應事件，指「30分鐘係我哋嘅原則」，獲網民大讚。

「壽司郎」昨晚在社交媒體專頁發布「溫馨小提示」，指當第一次叫號時，若客人不在場，會為客人保留號碼30分鐘，以便當有突發狀況時，客人能有充裕時間返回店內用餐。如該號碼超過30分鐘的保留時間，將被系統自動取消及視為無效，而每張票只限保留一次。「壽司郎」續指，「雖然暫時無得晚市堂食，但其實早午時段嚟壽司郎食壽司都一樣可以好開心㗎」，並指「希望大家都鍾意我哋嘅壽司啦」。帖文又加上「30分鐘係我哋嘅原則」、「數據數據數據」等標籤。

相關帖文隨引獲網民大讚，並留言指「靚抽」、「抽水抽得好乾」、「讚賞你哋員工」等。另有網民重提指罵店員事件，認為「應該讚揚該店員」、「辛苦了前線同事呢～」等。

事發在壽司郎黃埔分店，當時一名手持籌號的女顧客與同行男友人因籌號逾時，不獲「補飛」，在店外與女店員理論，並指「咁我唔舒服有咩辦法啫」。女店員指由於對方的籌號已超過30分鐘，因此無法為其「補飛」，建議女客與同行友人可轉到「Walk-in」隊伍等待。惟女客稱，「我哋一早已經攞咗飛，係咪要快過Walk-in先？我哋只不過過咗鐘咋嘛」，要求女店員助她解決問題，並指「依家唔係食一餐飯嘅問題，依家係唔公道嘅問題啊嘛！係原則問題啊嘛！」

立即下載 | 全新《星島頭條》APP : https://bit.ly/3yLrgYZ