君如直衝休息室換衫嚇親Edan 讚攝影師擘髀勁過自己玩Aerobic

由吳君如及呂爵安（Edan)等主演嘅賀歲片《闔家辣》將於2月1日上映。身兼監製同主演的吳君如率先同Edan開直播宣傳，仲落街頭簽海報送畀fans。

 

吳君如同Edan宣傳新戲，玩街頭撕海報送Fans。

Edan同君如認真地對戲。

 

戲中飾演Edan姑媽的君如分享拍攝《闔家辣》宣傳照嘅絕密花絮片段，見佢化身成「性感姑媽」着住短褲喺攝影棚四圍走。拍攝時Edan好大膽攞住兩個辣椒喺君如面前不停掩掩揚揚。另外，君如衝去休息室換衫嚇到Edan即刻走人，Edan忍唔住講咗句，「唔使益我喇」，君如即鬧Edan唔畀面。

 

君如拎住辣椒影《闔家辣》宣傳照。

君如衝去休息室換衫嚇到Edan即刻走人。

 

Edan忍唔住講咗句，「唔使益我喇」。

拍攝時Edan好大膽攞住兩個辣椒喺君如面前不停掩掩揚揚。

 

最後君如發現攝影師影相時擘到隻腳好開「勁過姑媽玩aerobic」，而攝影師幫Edan影相嗰陣一字馬擘得仲誇張，君如話有少少呷醋添！
 

影師影相時擘到隻腳好開，相當專業！

攝影師幫Edan影相嗰陣一字馬擘得仲誇張。

 

君如話攝影師「勁過姑媽玩aerobic」，有圖有真相。

 

立即下載 | 全新《星島頭條》APP :https://bit.ly/3yLrgYZ