青春不要臉丨伍樂怡神還原汪明荃經典廣告 唱主題曲唱到走音
2022-01-19 16:00 
TVB劇集《青春不要臉》今星期首播，但不少劇情已成為網民熱話，除了首集余德丞飾的「柳德榮」的肥仔造型外，還有同集出現、由伍樂怡（Kelly）飾的「姜之妍」的床褥電視廣告，劇組還專誠翻拍這個當年由汪明荃（阿姐）所拍的經典廣告30秒足本版。
在足本版廣告中，Kelly先在記者簇擁下步入機場禁區，之後身穿古裝對著鏡子流露出疲倦樣，鏡頭一轉再見到她睡在寫意的睡在床上，並背對鏡頭伸懶腰，最後Kelly以套裝Look亮相，並以超甜美笑容讀出廣告口號：「打破平嘢冇好嘅定律。」
此片段最大亮點是Kelly的80年代唱腔，她坦言是一大挑戰：「負責錄音嘅同事想我跟足80年代嘅唱腔同語調，佢哋教我上網搵番原片嚟睇，學番阿姐嘅唱腔，我成首歌都係盡力模仿番阿姐，所以真係有啲難，有啲版本錄出嚟好似走晒音咁，聽番都幾搞笑。」
立即下載 | 全新《星島頭條》APP : https://bit.ly/3yLrgYZ
最新回應