鄭欣宜馮允謙寫揮春又中又英黃淑蔓英國留學不忘洗邋遢

2022-02-04 02:00

「寰亞四福Sing」馮允謙（ Jay）、鄭欣宜（Joyce）、黃淑蔓（Feanna）和趙祥誠（Ben）團年食盆菜，寓意虎年盆滿砵滿，財運亨通。首先考考四人對盆菜中各式各樣美食的認識和寓意，Joyce第一時間夾起「蛋角」興奮地說：「我屋企過新年一定食『蛋角』，因為好似金元寶，錢呀！」Jay說：「呢個我知道呀，嫲嫲會整，好好味㗎！」然後她再夾蝦給各人並表示：「我屋企最重視開心同埋笑，所以新年一定要食蝦，寓意全年開開心心、嘻哈大笑。」

佢4位有個朵叫「寰亞四福Sing」。

新年習俗多，年紀輕輕的Feanna跟到足，她說：「年三十晚我會唔瞓覺同屋企人迎接新年，媽咪會包餃子，仲會喺其中一啲餃子裏面放黑糖或者開心果，邊個食中就代表佢今年會行好運。」就算她去了英國留學，仍然會四出找碌柚葉，繼續年廿八洗邋遢的習俗。

黃淑蔓之前喺英國留學，年廿八都專登去搵碌柚葉洗邋遢。

Ben說：「我屋企嘅揮春由我哋五兄弟姊妹每年輪流負責寫，所以我哋細細個就學書法，每年都會寫好多好多揮春，然後揀最靚嗰幾張貼出嚟，因為會貼足一年。」既然Ben拿手寫揮春，就請四位寫揮春比併，他們創意爆棚，將名字融入揮春祝福語之中，Feanna的「蔓（萬）事勝意」和Ben「吉『祥』如意」甚有心思。而Jay因為唔係幾識寫中文字，結果他又中又英，還有他自家英文併音字，令人看得一頭霧水，其他三位從旁指導他寫中文字，一人一句，混亂間誤將風生水起誤寫成風「山」水起，非常搞笑。

Ben細細個就學書法。

大家覺得Ben寫成點？

至於Joyce同樣在外國長大，表示不太懂寫中文字，她眼仔碌碌想了一會，胸有成竹地說：「我啱啱出咗張唱片叫《Joyce To The World》，我想呢張揮春裏面有Joyce，仲想加埋中文名。」她紮好馬步寫第一個「字」畫了個月亮，然後是Joyce、宜字，最後畫了一隻烏龜。Feanna立即估到：「Moon（滿）Joyce（載）宜（而）龜（歸）！」兩位冰雪聰明，全場掌聲。