張致恆老婆被質疑不避孕反擊天賜禮物窮有窮養

2022-02-05 14:30

張致恆（Steven）與老婆區燕雯（雯雯）早前和好兼親自承認懷有第三胎，一家五口連同愛犬一起過虎年！昨日（4日）雯雯在社交平台與網民互動，實行初四同大家傾吓偈。

雯雯有問必答，首先交代了近況還好，表示兩名兒子年紀還小，還未知道自己將會成為哥哥。有網民批評夫婦二人有欠債前科，再生一子會增加家庭負擔，雯雯說︰「窮唔代表冇資格生仔，上天送嘅禮物，一定有佢嘅原因，窮有窮養，最緊要小朋友開心。」被問到避孕是否不重要，雯雯回應：「我冇話唔重要，但我已經結咗婚簽咗紙，呢種事情根本冇必要去由其他人管我哋。」更有網民質疑Steven長期不在，為何雯雯仍會懷孕，雯雯回覆：「你呢個問題，其實想帶出啲咩？」其後雯雯亦坦言不是因為懷孕才和Steven和好，她的孕期已到一半，所以並無關係。

有負評亦有正評，有不少網民支持雯雯，叫她加油不用理會別人的目光，雯雯亦有禮貌一一答謝。