Anson Lo日夜顛倒趕拍電影 透露新片懸疑又有鬼味

MIRROR成員盧瀚霆（Anson Lo）工作不斷，日前為新歌拍攝MV拍足25個鐘頭外，最近亦忙於電影拍攝工作，幾乎每天都日夜顛倒的他，今日在IG限時動態貼上靚仔自拍照，並留言：「6:40AM迫自己唔好瞓着！」兩小時後，他再興奮舉起V字手勢，表示：「子傑收工~8:45AM」最後更貼出一碟炒飯表示睡前「早餐」才去休息。

 

拍到朝早先收工。

 

AL的睡前「早餐」。

 

Anson Lo近日接受星島多倫多A1中文電台訪問，訪問中他亦首次透露了關於今次拍攝電影的題材：「今次係一套好複雜嘅電影，有懸疑，有鬼味、有人性、有感情，亦有人最真摯嘅情感，我自己覺得好有趣。」他更透露電影預計於今年上映。

 

AL早前投入新電影拍攝，佢透露新作預計今年上映。

 

至於音樂方面，Anson Lo表示正在籌備新歌，2022年第一首個人單曲將會是一首跳唱歌，「係未試過嘅風格，繼上次《Megahit》後，都想俾個驚喜大家。」又大賣關子表示：「同跳唱有關，但係一個大家完全未見過嘅形象。」

最後提到4月將會與鄭欣宜開騷，Anson Lo亦興奮表示二人有很多共同之處：「大家都鍾意快歌同跳舞，又鍾意英文Rap ，有幸可以同欣宜一齊表演，好夢幻。」對於Anson Lo一連串的工作計劃，一眾「神徒」都紛紛表示十分期待。

 

AL將於4月同欣宜一齊開騷。

立即下載 | 全新《星島頭條》APP : https://bit.ly/3yLrgYZ