Santis終認去年6月跟熊仔頭拍拖剖白分手及主動錫MC原因

2022-02-21 14:30

張天賦（MC）早前連環爆出緋聞，被指跟兩位MV女主角包括《時候不早》的鍾卓穎（Ash）與《反對無效》的陳濬樺（Santis），不約而同逛同一間超市，但他跟兩位女主角異口同聲否認。其中Santis一直盛傳跟其YouTube頻道「FHProductionHK」公司老闆熊仔頭撻着，但女方跟MC傳出緋聞不久，Santis主動宣佈跟公司解約，但同時她依然堅稱跟MC只是普通朋友。

MC跟Santis合作拍《反對無效》MV。

被網民指兩人一同逛超市，因而傳緋聞。

昨日（20日）Santis在其個人YouTube頻道上載新片透露未來動向，當中亦有大方回應感情問題，她表示解約是個人意願，跟緋聞無關，但自覺在他們所拍的片及微電影中表現未達水平，因此想往外闖增加自己的經歷，有助將來演出。Santis首次承認去年曾與熊仔頭拍拖：「我哋喺2021年6月一齊，而目前已經分開咗。我哋分開嘅原因係我哋相處上有衝突，雙方都有提出過分手。」對於不少網民懷疑兩人已婚，Santis謂：「因為當時有認真面對關係，有長遠目標，所以當時想保護呢段關係，唔想其他人言論影響。」同時以字幕補充：「但要強調，冇訂過婚，沒有結過婚。」

在片中承認去年6月跟熊仔頭一起。

重申沒有向熊仔頭「派帽」。

不過MC曾經在陳志雲的個人頻道節目中，承認對Santis有興趣，亦獲Santis回覆是單身狀態，因此外界亦揣測她曾向熊仔頭「派帽」，Santis對此再堅稱：「冇！同埋當時我真係單身（以字幕補充MV在6月前拍攝），第二就係我冇過份揣測佢嘅問題有咩意思，我就照直答咗我當時狀況。」此外，MC當日亦踢爆Santis在MV中擅自加錫面鏡頭，她解釋導演指示她要扮演好迷戀、好愛男主角的角色：「我覺得呢個係導演想要嘅嘢，所以我就咁樣做，好開心導演有將呢個shot放入去MV，證明做到佢想要嘅嘢。」