Winka被問會唔會出Solo歌 稱入COLLAR愛音樂心不減

由ViuTV《全民造星IV》一眾參賽者中挑選組成的女團COLLAR，出道個半月，人氣仍然好旺，廣告接唔停。不過Fans更想知幾時再有歌出，一向好Talk得嘅成員Winka（陳泳伽）日前在IG限時動態與Fans玩你問我答，有Fans見最近本港疫情嚴峻，稱希望Winka講兩句鼓勵吓香港人，仲強調真係講兩句就得嘞！以為講嘢係Winka強項，唔會難到她，但她竟回答：「只有兩句的話，太難了！我做不到。」原來是講得太少難到她，真係好搞笑呀！其後她於另一條問題中，就表示：「要保重身體，如果喺屋企太悶，就聽多啲我哋嘅歌！」

 

COLLAR已經出道個半月。

 

Winka喺IG同Fans玩你問我答。

 

叫Winka講少啲原來好難。

 

COLLAR中最唱得的Winka，被Fans問及加入COLLAR後，會否出個人單曲？雖然現時她們才出道不夠兩個月，但不少Fans眼見她們的師兄MIRROR都有7位成員已單飛有個人作品，COLLAR的Fans好奇都好正常。Winka對於未來會否單飛，就表示：「即使入咗女團都唔會影響我對音樂本身嘅追求同熱愛程度，如果有自己個人作品，我義不容辭。」唔知Winka未來如果單飛，會行咩路線呢？

 

被問及會唔會出Solo歌。

 

Winka彈得又唱得。

 

不過啱啱先出道，單飛言之尚早啦！

 

更多新冠疫情資訊請到以下專頁瀏覽：（按此）

立即下載｜全新《星島頭條》APP：https://bit.ly/3yLrgYZ