獨家丨林作撐「盲搶炎」入超市狂掃兩車貨 不敵婦女搶糧受傷流血

本港第5波疫情嚴峻，加上網上流傳指政府將計劃「全城禁足7日」，消息一出，市民即四出儲糧入貨，多區超市出現搶購物資人潮。昨日林作與女友裕美(美美)及工人姐姐響應「盲搶炎」到超市大量入貨，喪搶凍貨期間，林作被師奶嘅指甲𠝹到手背流晒血，要用紙巾嚟止血。不過，他都出師得利掃滿兩架手推車嘢，埋單要4300多元。

 

林作大讚裕美孭埋個袋兼且推車，非常打得。

 

林作跟婦女一齊搶糧時被指甲拮親手背流血。

 

都搶到有好多戰利品。

 

足足有兩車貨。

 

被嘲慘烈過鍾生拳賽

昨日他喺社交平台分享有關相片及短片，見到裕美與工人姐姐推住兩大車嘅戰利品，寫道︰「我準備好封城啦！來吧！禁足吧！剛剛在超市同全場9成女士片完，隻手流晒血，但成功喺喪屍堆搶走四千幾蚊貨，遍佈鮮肉、乾糧、日用品等，夠我頂到月尾。我支持禁足…」有網民見到他受傷嘅相片後，留言取笑他說︰「戰情慘烈過同鍾生拳賽。」

 

埋單要成四千幾蚊。

不過兩車戰利品仲未「打爆」林作家中巨型雪櫃。

 

林作上足一個月糧為有可能禁足做準備。

裕美孭袋推車好打得

談到受傷經過，他接受本報訪問時說：「因為見冰櫃得返幾包冰鮮烏冬，我同好多婦女一齊伸手入內搶，就係咁畀指甲拮親，而我嘅英勇受傷要用紙巾止血，同埋要咀咒令我到受傷嘅家庭主婦，美美就幫我孭埋個袋兼且推車，非常打得。」他又直擊指，其實超市貨品算係仲有：「但要睇吓係乜類型嘢啦！可儲備嘅冰凍烏冬就擺明斷貨，搶淨得返幾包，其他嘢都偏少，蔬菜都冇喇，得返啲西蘭花，不過係我最愛。」

 

裕美係林作得力女友。

 

掃完貨一齊去食飯。

未雨綢繆係保險意識

他解釋唔係響應「盲搶炎」，而係有理據︰「因為我有保險意識，既然唔知會發生乜事，所以𠵱家要儲備一個月糧，而且我想盡快習慣喺屋企匿埋嘅感覺，唔好禁足先嚟適應，想心裏快啲得到平靜。」本報又從林作提供嘅獨家相片可見，戰利品還未能『打爆』他家中巨型嘅雪櫃呢！

 

裕美變身「疫境廚神」，常在林作家中玩煮飯仔。

 

林作及裕美常留家抗疫。

 

裕美被林作偷影睡姿。

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ