古天后日誌｜俄烏戰事持續 港股創五年低位

3月7日，大致多雲，早晚清涼，早段更有幾陣微雨，部份地區能見度較低。喺俄烏戰事持續下，美股上周五偏軟，道指上周五跌179點；標指跟納指分別跌34點及224點。踏入亞洲時段，道指期貨俗跌，拖累新加坡期指低水500點，預期今日再度裂口低開，下試21500水平。

雖然過去三個星期，恒指已累跌3000點，技術指標方便，港股已呈超賣，呢個星期港股有可能反彈，但俄烏局勢持續緊張，多國對俄羅斯實施制裁，有機會進一步影響不同產業鏈供應，從而進一步推高通脹，即便港股有反彈，可能要趁反彈時繼續減磅。俄羅斯錯判戰情，以為可以如2014年吞併克里米亞一役船速戰速決，豈料今次攻打烏克蘭遭當地人民力抗，加上全球多國向烏克蘭提供援助，兼且相繼制裁俄羅斯，令全球陥入金融戰。另一方面，俄羅斯為主要產油國，嚴重衝擊油價，令油價以及大宗商品價格飊升，刻下股市或受避險情緒高漲而下跌，但油價若然持續上升高居不下，最終將波及企業盈利，屆時對股市影響或更深遠。

至於全國兩會開，今年主題為穩住經濟，內地政府將今年經濟增長目標定於5.5%左右，估計需要推出更多財政寬鬆政策，但目前股市極度疲弱嘅氣氛下，相關國策受惠股亦顯有心無力。俄烏戰事對港股雖造成嘅心理影響遠比實際影響大，但喺人心虛怯嘅情況，以及估值已屆便宜水平下，即使長線可睇好，入市亦只直小注分段進場。至於短線則對外國消息極度敏感，短線操作難度極高，暫時似乎只宜隔岸觀火，未宜進取。

俄烏局勢若然進一步惡化，衝突持續嘅話，能源價格恐怕進一步飊升，加上供應鏈瓶頸未能打破，恐怕全球要面對嘅並非可以透過加息而控制嘅通脹，取而代之係滯漲，各國央行或因此陷入兩難局面。港股喺超賣情況下，預期喺21000水平或有支持，若俄烏談判令戰火暫停，料港股有喘息機會，但港股跌至現水平，已創超過五年低位。雖然唔少股份陸續公布業績，但喺如此市況下，博炒業績值博率低，暫時都係忍手觀望。

古天后

(徐狄怡，證監會持牌人)