曾志偉重出幕前做主持想帶歡樂畀大家收視無壓力

2022-03-19 15:30

曾志偉、錢嘉樂、丁子朗、林秀怡、黃婧靈（波波）等今日在將軍澳電視城出席新節目《講你都唔信》拜神儀式，志偉指節目是從「閉環式」安排中構思，因政府有全民檢疫計劃，因此公司也需要做好準備，也有諮詢過藝員及工作人員，構思每晚做講談節目，志偉又說：「我希望身先士卒同大家留低，一齊主持節目，大師兄（嘉樂）都支持一班兄弟姊妹，度咗好多節目，唔止傳言8個。」

志偉指新節目暫定3個星期，是預演一下閉環安排，全民檢測前閉環管理也可以暫緩，笑言自己重出幕前也擔心觀眾是否認得自己，問是否救收視？他說：「冇嘢要救，救返我自己，其實一直都蠢蠢欲動，一直有興趣，但不想被形容又用《獎門人》打人，但今年都25周年，港姐又40周年，年尾都有好多大型節目，可能《獎門人》都會做番。不過冇收視壓力，我驚自己影響收視囉！」志偉指節目是希望和大家度過疫情，帶歡樂給大家，也曾想過每晚直播，可以更貼近時事。

曾志偉同大師兄錢嘉樂一齊主持新節目《講你都唔信》。

曾志偉話有諗過每晚直播，可以更貼近時事。

志偉又笑指自己每日都有閉環的感覺，做到天光才離開公司，又指曾想過在停車場搭帳篷及旅宿車。提到現時暫不用實行「閉環」，劇組是否可以復工？志偉指劇組始終受很大影響：「好多都開唔到，同事屋企人中招就唔能夠開工，但我們有好多存貨，外景暫時開唔到，最多都係拍廠景。」有指500位同事曾確診，志偉指數字合符政府推論：「我哋有同事3000人，500人確診正是政府預計7人有1人中，但事實上好多同事係喺家中感染，並唔係公司，要等官方確診到康復都1個月，我哋呢組都有好多同事康復後返工，有3分之2，我唔擔心佢哋。」嘉樂指自己每日都檢測，入錄影廠前都檢測多次，保持「一線演員」。

志偉指節目組維持10至12位幕前，提到人數如早前流傳的「閉環天團」一樣？志偉稱，曾想過最少要12人閉環留守，但報名人數好多，加上暫時不需要閉環，問當中可有欽點對象？他稱只有嘉樂，其他人選以司儀為主，想藉今次機會和嘉樂向同事分享一下，回來TVB這麼久都沒機會，人選中包括被指雪藏的馮盈盈，早前更曾確診，問是否從雪櫃解封？志偉說：「唔使，佢已經康復，人選都冇刻意去搵。」有指節目會派獎金派品？志偉指有派禮物計劃，但如何送出仍在規劃。