吳若希開工見朋友勁興奮麥美恩摸完森美肚腩嗌賺咗

2022-03-22 07:30

本港第五波疫情嚴峻，不少藝人先後確診，TVB有見及此，將大部份劇組停工時間延長至3月20日。已停工兩個月的吳若希（Jinny）昨日（21日）現身電視城，為TVB全新推出的綜藝遊戲節目《講你都唔信》復工進行拍攝，她於社交網貼出一張與拍檔森美、丁子朗和麥美恩的大合照，相中見四人都精神飽滿，似乎各人經過一輪休息，都已經叉足電，Jinny更興奮寫道：「差唔多成兩個月冇返過公司~到最近見到疫情放缓，還可以用工作之利見一見朋友！抵呀！」

休息一輪，大家都叉足電。

四人曾合作主持節目《森美旅行團》笑料百出。

其實四人曾合作主持節目《森美旅行團》笑料百出，擦出不少火花，今次再合體，不少網民都留言表示期待；而相中摸着森美肚腩的麥美恩則留言笑指：「我仲可以試探當事人嘅腹肌。我真係賺咗 #腹肌返緊嚟」而Jinny回覆：「賺凸」，估計麥美恩所講的是森美早前在家運動被網民取笑現「士啤呔」，並積極操fit，下戰書一個月後除衫示眾。