芬蘭潮什麼｜梁芷珮由芬蘭行去瑞典 一張機票玩足幾個國家

梁芷珮（Christy）主持TVB全新系列一連六集的旅遊節目《芬蘭潮什麼》，將於今晚（24日）首播，是繼上年冰島之旅後再踏足鄰近的芬蘭，更只靠一張機票沿住芬蘭玩足幾個國家！

今輯首站會先去芬蘭北部的拉普蘭區，玩盡聖誕老人村並入住附近的酒店捕捉極光；第二站，會由芬蘭「行」去瑞典，而且全程快到你唔信；第三站，Christy會坐豪華郵輪去東歐的愛沙尼亞，參觀世界文化遺產舊城區；最後一站則會返回芬蘭的周邊城市，體驗當地人最愛的本地遊。

 

Christy被聖誕老人氹得幾開心。

 

喺冰酒吧歎酒，連個杯都寧舍冰。

 

呢個「浸冰水」挑戰，係咪好重裝備先。

 

首集Christy先走訪芬蘭拉普蘭區的聖誕老人村，並專誠設計了為期「3日2夜」的懶人包，教大家如何盡情玩轉聖誕老人村及周邊配套。Christy除了開心Share主題公園Santa Park至潮至好玩指南外，還特地走訪聖誕老人辦公室；特別的是在主題公園中，大家可近距離接觸聖誕老人，更能隨意對話，聖誕老人會䀆力回答所有問題，可愛度及搞怪度均令Christy大為驚喜。Christy另外還走訪了聖誕老人村附近的「平靚正」極光酒店；並在零下10度的氣溫下，穿上重裝備浸在冰水上尋找極光；雖然 Christy已非首次作相關體驗，但仍大呼非常過癮。

 

呢間樹屋酒店夠晒大，景觀一流。

 

梁芷珮力推喺聖誕老人村附近嘅紅屋仔。

 

呢個玻璃屋雖然細間咗啲，但住喺度欣賞極光真係一流。

 

第二集重點內容，則在充滿治癒感的小動物上。Christy 除了做狗義工照顧可愛又溫順的Husky外，更大玩大家可能聞所未聞的動物版密室逃脫，在不斷解謎的同時，亦可順道享受被眾多小動物包圍的滋味。另外Christy還帶大家去到芬蘭與瑞典的交界，示範如何以「一步之遙」由一個國家踏足另一個國家，非常特別。

 

梁芷珮去咗做狗義工照顧Husky

 

狗狗非常活躍

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ