陳梅馨復出被挖舊情史認對愛情失信心沒結婚可能

2022-03-26 15:00

1988年參選港姐入行的陳梅馨，2005年息影前最後一部劇集作品為1997年推出的《樂壇插班生》；直到早前憑熱播劇《家族榮耀》回歸公仔箱，並再度成功入屋。陳梅馨接受TVB娛樂新聞台《Star Talk》專訪，已有26年沒拍劇的梅馨，笑指拍攝《家族》時相當緊張，幸得飾演丈夫的于洋及女兒的梁靖琪分別鼓勵及安慰：「于大哥會話『我以前都試過呀，有啲對白背熟晒，突然埋位個腦係空白嘅。』」

梅馨又指其中一場與梁靖琪真情對話的場口，明明之前已熟讀劇本，在家中揸機試拍時效果也很好，可惜到了現場就是「失靈」：「嗰場戲我原本好有信心，但臨場演時有句對白寧寧舍舍Kick住，其實我都唔滿意嘅，但大家都好好話收貨。」梅馨笑指劇集出街期間，好友經常致電她要求「劇透」。

陳梅馨在《家族榮耀》中雖然佔戲不多，但有亮麗演出。

陳梅馨多得飾演丈夫的于洋及女兒的梁靖琪分別鼓勵及安慰。

《家族榮耀》台前幕後相處融洽。

談到闊別多年回歸公仔箱原因，梅馨透露是因為徐遇安一個電話：「96年我哋一班演員同導演過咗去馬來西亞拍劇，之後大家有個群組，又會一年聚一次。當中徐遇安有日就打畀我，問我有冇興趣拍劇玩吓，佢話係梁家樹監製嘅劇，咁當時我做咗好多年餐廳，有啲悶悶地，同埋我有時睇電視又會諗呢個角色如果我做，又得唔得呢？各種原因下咁我就好啦，玩吓啦！」梅馨笑言是次經歷讓她過足戲癮，並寄望將來能有更多拍劇機會。問到最想嘗試角色？梅馨直指是奸角：「《家族》我個角色係內向怕事，都幾似我真人，我份人比較慢熱，以前拍套劇兩、三個月，可能我要到差唔多拍完先同其他演員熟，或者根本就唔熟。」

陳梅馨1988年參選港姐入行。

代表劇集作品有《壹號皇庭》系列。

拍劇時與到來探班的袁詠儀喜相逢。

談到因「復出」惹關注以致以往情史被重提，梅馨指希望相關報道沒有影響到其他受牽連的人，並感嘆謂：「我依家睇番以前都覺得好多嘢唔識處理，仲太後生，如果識處理，可能結果唔會係咁。」問到經歷了數次失敗戀愛經驗後，有否影響其愛情觀，梅馨坦言一切隨緣：「其實我後生時都冇諗過組織家庭或者生小朋友。（對愛情冇信心？）冇架喇，我感情都寄托喺兩隻貓度，依家希望多啲寄情工作。」問到還會否結婚？梅馨更落閘謂：「完全冇可能，相信呢個機會微乎其微。婚紗相我因為工作都影過好多，所以都冇好恨。」

陳梅馨被重提的兩段情史，包括1996年跟溫兆倫分手，被對方追討14萬分手費；1999年，陳梅馨被指介入姜皓文與當時女友現為太太的殷寧戀情。