肥仔隨時瞓得靠拉筋 遭193質疑冇着內褲即騷白滑美腿

ERROR成員肥仔（梁業）和193（郭嘉駿）前晚（28日）透過視像現身ViuTV節目《今日疫情》擔任嘉賓 ，出名可以「一秒入睡」的肥仔，不時被合作夥伴偷拍工作休息期間瞓覺的黑圖，肥仔笑言請大家不要再垂涎他的美色，又分享入睡錦囊：「我覺得係拉筋，如果瞓得唔好，因為肌肉繃緊，平時伸懶腰拉筋，仲有『大字馬』，就會好好多。」193即笑言懷疑肥仔下身只穿內褲，甚至冇着任何褲，肥仔立即踢腿示範拉筋動作，大晒其白滑美腿，表情輕鬆。

近日有位做家電維修的劉師傅在節目分享，表示上門服務時，被客兜頭噴到全面酒精。對此193表示如咖啡店遇到類似的食客，便會好像奧斯卡金像影帝韋史密夫（Will Smith）掌摑基斯洛克（Chris Rock）一樣：「會一冚，冚咗佢出餐廳門口。」他更表示大家應該互相尊重，事先問過他批准才做會比較好。

 

肥仔話拉筋好重要。

講起咖啡店，193就以搞笑形式趕客。

193懷疑肥仔冇着內褲，肥仔即踢腿，好高呀！

 

另外，又問到193咖啡店的裝修進度如何？他說：「依家裝修都叫做搞得七七八八，但仲有啲delay，因為之前有啲嘢未運到香港，依家經船運過嚟，但都未check到喺邊，依家牆及燈都搞晒，係爭啲枱凳未有，我為咗掙埋呢筆錢，於是諗番應該搞『立食』，企喺度食嘢嘅Cafe。」

193繼續以趕客形式笑說：「有冇疫情都係咁諗，總之最細嘅枱最細嘅凳，令到大家食得好唔舒服，食完即刻走，唔好阻住啲位，因為我間Cafe好多人嚟排隊，大家唔好掗住啲位，我希望大家、呼籲大家如果嚟嘅話，食10分鐘內即刻好走，唔該晒。」

 

肥仔真係幾時都瞓得到。

 

 

更多第5波疫情資訊，請到以下專頁瀏覽按此

立即下載 | 全新《星島頭條》APP : https://bit.ly/3yLrgYZ