肥仔随时瞓得靠拉筋 遭193质疑冇着内裤即骚白滑美腿

ERROR成员肥仔（梁业）和193（郭嘉骏）前晚（28日）透过视像现身ViuTV节目《今日疫情》担任嘉宾 ，出名可以「一秒入睡」的肥仔，不时被合作夥伴偷拍工作休息期间瞓觉的黑图，肥仔笑言请大家不要再垂涎他的美色，又分享入睡锦囊：「我觉得系拉筋，如果瞓得唔好，因为肌肉绷紧，平时伸懒腰拉筋，仲有『大字马』，就会好好多。」193即笑言怀疑肥仔下身只穿内裤，甚至冇着任何裤，肥仔立即踢腿示范拉筋动作，大晒其白滑美腿，表情轻松。

近日有位做家电维修的刘师傅在节目分享，表示上门服务时，被客兜头喷到全面酒精。对此193表示如咖啡店遇到类似的食客，便会好像奥斯卡金像影帝韦史密夫（Will Smith）掌掴基斯洛克（Chris Rock）一样：「会一冚，冚咗佢出餐厅门口。」他更表示大家应该互相尊重，事先问过他批准才做会比较好。

 

肥仔话拉筋好重要。

讲起咖啡店，193就以搞笑形式赶客。

193怀疑肥仔冇着内裤，肥仔即踢腿，好高呀！

 

另外，又问到193咖啡店的装修进度如何？他说：「依家装修都叫做搞得七七八八，但仲有啲delay，因为之前有啲嘢未运到香港，依家经船运过嚟，但都未check到喺边，依家墙及灯都搞晒，系争啲枱凳未有，我为咗挣埋呢笔钱，于是谂番应该搞『立食』，企喺度食嘢嘅Cafe。」

193继续以赶客形式笑说：「有冇疫情都系咁谂，总之最细嘅枱最细嘅凳，令到大家食得好唔舒服，食完即刻走，唔好阻住啲位，因为我间Cafe好多人嚟排队，大家唔好掗住啲位，我希望大家、呼吁大家如果嚟嘅话，食10分钟内即刻好走，唔该晒。」

 

肥仔真系几时都瞓得到。

 

 

更多第5波疫情资讯，请到以下专页浏览按此

立即下载 | 全新《星岛头条》APP : https://bit.ly/3yLrgYZ