360秒人生課堂丨𡃁模Celia K.拍三級片被嘲諷 卻獲女兒讚賞演出

林盛斌（Bob）主持的TVB新節目《360秒人生課堂》，昨晚（15 日）播出的第二集，演講嘉賓請來前𡃁模郭玥彤（Celia K.）及「寄養之家」女主人 Kaye Dong ，旁聽嘉賓分別為張慧儀、陳浚霆以及應昌佑。 算是首代𡃁模Celia在 2012年推出寫真集，及後接拍電影《一路向西》 及《喜愛夜蒲 3》。現時是三女之母的Celia回想首天為主演的三級電影開工時，因要赤裸人前，為此更躲起來哭過，此外亦因拍過三級電影而受盡白眼：「有次有個媽咪認得我，佢問：『你咪嗰個 Celia？點解你無啦啦走咗去從良？如果你個女睇咗你部戲，你點解釋呀？』」Celia直言當刻十分難堪。 

 

經常被外界嘲諷。

 

但Celia K.未有後悔當上𡃁模。

 

但怎料有天Celia其中一個女兒無意中看到其主演電影，她即熄電視，但女兒卻說：「唔好熄啦，我覺得你做得好好呀，媽咪！」Ceila邊回憶邊哽咽謂： 「我等咗八年，一句咁肯定嘅讚賞，我冇諗過係我個女講出嚟。我好感動，即使咁多年我嘅演藝（生涯）冇任何成就，原來我嘅家庭已經係我最大成就。」雖然如此，但Celia卻沒有後悔曾當𡃁模。

 

Celia K.的女兒成為她的支柱。

 

Celia K.老公李冠峰（左三）也有到場支持老婆。

 

另一位演講嘉賓Kaye則分享自己做了6年「寄養家庭」，她表示：「做寄養我知係短暫，但我都願意打開我個心去畀一個溫暖嘅家小朋友。佢哋之後未必記得我哋，但我想佢知道有好多人好錫佢。」 台下旁聽的張慧儀在2005年於內地做義工期間遇見當時只有兩歲及有心臟病的 Hanson，並因對方喊了她一聲媽媽而決定領養。 張慧儀笑言自從有了Hanson 後，自己也有了很大的轉變，而且是好的轉變：「以前我唔蒲瞓唔著，但有咗小朋友我冇咗蒲嘅心，原來我唔係自己想像中咁嘅，我都有做好媽媽嘅潛質。」

 

Kaye則分享做了6年「寄養家庭」的感受。

 

台下旁聽的張慧儀早年領養患有心臟病的Hanson。

 

更多第5波疫情資訊，請到以下專頁瀏覽按此

立即下載 | 全新《星島頭條》APP : https://bit.ly/3yLrgYZ