林淑敏為「大小姐」放棄扮演其他角色 乳癌康復惟有腦霧後遺症
2022-04-16 18:00 
十多年前不幸患上乳癌的「大小姐」林淑敏，近日接受港台節目《舊日的足跡》訪問，她憶述康復過程並不簡單，當年她與蘇玉華合演TVB劇集《On Call36 小時 II》，因剛剛完成化療針，故有腦霧症狀，甚至當時林淑敏試過打4針後出現休克、有一次打針3分鐘後面色變黑，需要醫生搶救。
雖然醫生曾表示身體會慢慢復原，但林淑敏稱等了近7年，至今仍有些腦霧症狀，亦曾試過「斷片」：「記得一次，同蘇玉華拍劇時，之前大家有講有笑，點知一開機我就唔記得晒所有已記熟嘅台詞，望住佢講唔出一句對白。當時我好尷尬，好難解釋發生咩事，我知自己發作，只係不停講對唔住。好彩佢好好人，我一直以來都冇同佢解釋過，所以好想同佢講一聲『我愛你，蘇玉華！』」
2017 年林淑敏加入《愛‧回家》飾演「大小姐」龍力蓮，她坦言為了保持大小姐在觀眾心中的形象，她不再接演其他角色。九年前，林淑敏結婚成為陳太，不被問及在劇中跟演「宋水輝」許家傑愈做愈合拍，老公Tommy可會吃醋？林淑敏笑言當然沒有：「許家傑同我老公相識，佢冇嚟過我屋企食飯，因為我屋企唔招呼人，但佢哋會約上網打機！我發覺同阿輝好有默契，如果拍完《愛‧回家》，我哋亦可以演龍鳳胎又或者兩兄妹，真係好似一家人。」
更多第5波疫情資訊，請到以下專頁瀏覽按此
立即下載 | 全新《星島頭條》APP : https://bit.ly/3yLrgYZ
最新回應