Jer新歌演繹分手的傷痛 MV真情流露喊戲兩take搞掂

2022-04-24 13:00

MIRROR成員柳應廷（Jer）推出新歌《離別的規矩》，而MV在昨晚（23日）推出，今次他一改曲風轉唱揪心傷痛情歌，MV中Jer為配合內容要痛哭，怎料感情豐富的他喊到一發不可收拾，心情難以平復。

Jer今次新歌也以三步曲跟「柳柳粉」（fans暱稱）見面，《離》是談人與人與之間的關係，他說：「大家近年面對最多嘅情緒就係離別，好似有親友移民外地，喺面對離別，我好想透過新歌同大家一同呼吸，呢首歌可以成為一個救生出口，大家聽完可以舒服啲，有啲情感可以抒發到。」

甫開始一對小戀人不知幾sweet。

兩人一齊玩獨角仙。

兩人仲有「床上戲」……

而MV說了一個關於一對愛侶從甜蜜到分離的故事，不過當中卻有第三者—昆蟲獨角仙的出現，Jer表示：「都幾得意，從未試過放昆蟲喺手上，原來佢啲爪抓住之後，隻手會紅紅哋同會痛嘅，最驚係女主角俾獨角仙爬上塊面，企隔籬都戥佢驚，因為仲要爬入佢嘅耳仔窿，仲爭啲飛走，好狼狽，好在我唔使，有女主角幫我頂咗佢。」除了獨角仙，拍攝期間製作團隊也遇上了羊群，導演也立即請Jer與女主角走入羊群中拍攝，令MV畫面更見豐富。

拍攝途中有一批羊群亂入客串。

可惜小情侶冷戰……

Jer在拍攝過程心情起伏很大，拍攝一時要甜到漏、但鏡頭一轉又要爆喊，他坦言是頗大的挑戰。談及爆喊一場，Jer需要借助歌曲的魔力觸動情緒。Jer拍第一Take時已能自然落淚，但他想再來一次，要求製作團隊給他30秒，並即場播放《離》讓他培養情緒，結果不出30秒Jer已爆喊，最終拍了兩Take便完成。不過第二Take完成後，Jer的情緒難以平復，雙眼更哭得紅腫，幸好很快已能平復，再次投入拍攝。