李蘊否認為女兒鋪路入行 直言唔想個女做明星

李蘊2015年嫁羅章冠後移居內地並誕下一對仔女，日前宣告復出重投前經理人Peter Chiu旗下。12歲就以組合Cream成員身份出道的李蘊，近日有指她為6歲大女鋪定路安排她將來做明星，不過昨日（24日）她就於IG限時動態否認，直言：「我唔希望我個女將來做娛樂圈。」

 

李蘊婚後育有一對子女。

 

李蘊早前幫大女報讀模特兒課程，但否認為大女鋪路入行。

 

日前有報導指，李蘊為大女報讀模特兒課程，是為了女兒將來入行作準備。昨日（24日）她於IG限時動態表示：「無啲咁嘅事啊，認真我唔希望我個女將來做娛樂圈……我亦覺得佢性格唔適合……報課程完全無諗住要入行，純粹訓練行路姿勢同增強自信，小朋友咩都玩吓幾好啊。」又指女兒其實是運動型小朋友，專長是打籃球和游水，看來興趣與做明星大纜都扯唔埋，不過小朋友興趣成日變，話唔定得媽媽真傳將來會愛上表演都唔定嘅。

 

李蘊否認為大女鋪路入行，仲話唔想個女做明星。

 

李蘊話大女專長是打籃球和游水。

 

更多第5波疫情資訊，請到以下專頁瀏覽按此

立即下載 | 全新《星島頭條》APP : https://bit.ly/3yLrgYZ