CHILL CLUB頒獎禮丨軒仔戴過百萬胸針出席得一獎仍開心力撐AL得男金

2022-04-25 13:00

張敬軒在昨晚（24日）的《CHILL CLUB》頒獎禮中僅得一個歌曲獎，卻隆而重之的配戴近200萬鑽飾到場，單是身上的胸針已逾136萬。他謂：「因為第一次出席呢個頒獎禮，所以打扮隆重啲。得到呢個頒獎禮嘅第一個獎亦都覺得好正，人哋唔係奉旨要俾個獎你！」罕有沒得男歌手獎項，軒仔指有下次機會，反正尚未退休，況且MIRROR今年的熱度大家有目共睹，首奪男歌手金獎的盧瀚霆（Anson Lo）不管是歌曲和廣告，氣勢強勁，得男歌手金獎理所當然。說到姜濤的「姜糖」（fans暱稱）替偶像不值，軒仔認為MIRROR的成員都是叮噹馬頭，成績差距很少，況且現場氣氛很好，誰得獎也值得開心。

憑《俏郎君》得年度歌曲獎第五位。

單是心口的胸針已過百萬。

軒仔力撐Anson Lo得獎實至名歸。

提到其受疫情影嚮而暫停的紅館演唱會已定於下月「復騷」，並由原來的8場增至16場以解決限制一半入座率的問題，軒仔直言有點失預算：「但最感動係有啲移咗民嘅觀眾堅持唔退票，仲有幾個因為身體問題、等唔到復辦已經離世，所以就算要戴住口罩唱我都想做，希望透過演唱會同音樂為大家喺疫境下帶啲娛樂，幫大家釋放情緒及增強抵抗力，因防疫除咗藥物同措施外，人嘅心情都好重要。」演出場數變多，軒仔稱不擔心體力，只是母親已返回內地沒有「阿媽靚湯」補身而已。