360秒人生課堂丨34歲張嘉耀唔煙唔酒患淋巴癌末期吳香倫身同感受眼濕濕

2022-04-29 21:30

林盛斌（Bob）主持的《360秒人生課堂》，昨晚（28日）演講嘉賓為現年34歲的抗癌勇士張嘉耀，並邀請患上罕見病皮肌炎的吳香倫做旁聽嘉賓。已移居澳門多年與太太生活的張嘉耀，八個月前證實患上淋巴癌第四期，由於張嘉耀平日生活節制檢點，唔煙唔酒之餘更勤做運動兼有控制飲食，故此得悉患病一刻令他大受打擊：「細個時好多大人同我講，只要你努力一定有回報，所以我一直都好努力。我係健身教練，我一直以身作則，協助身邊人更加健康，但我被確診淋巴癌第四期，癌細胞仲要入咗骨髓，呢樣嘢我完全唔能夠接受，呢個就係我努力嘅回報？咁都會生Cancer？Why Me？點解話呢個世界係公平？我覺得好唔公平。」

34歲嘅張嘉耀生活好健康，仲有位靚老婆。

八個月前證實患上淋巴癌第四期，覺得上天好唔公平，一度放棄治療。

講到忍唔住喊。

多得太太同家人朋友支持，張嘉耀奇蹟地半戰勝癌魔。

由於事件超出認知及能力接受範圍，張嘉耀一度拒絕接受治療，幸得很愛自己的靚太太、父母及好友支持，他決定重新振作，現在已奇蹟地半戰勝癌魔，只需打標靶，不用化療，減少對身體傷害。他特別感謝太太Nana，因在最壞時期Nana除了要消化老公患癌噩耗，更要應付陷於情緒低谷的老公，最終Nana壓力爆煲致甩頭髮，身在澳門的Nana透過視訊重提當時情況：「我嗰刻先意識到自己有幾大壓力。」之後兩公婆更大晒恩愛兼互道「我愛你」，場面感人！

對於張嘉耀的故事吳香倫亦大表感動，坦言自己得悉患病一刻同樣難以接受：「我心諗點解咁難中嘅病，都會喺我身上發生，初初我真係好氣餒。張嘉耀嘅故事我感同身受，當初我知道有呢個病後我覺得好無助。」幸好遇上好醫生兼有好老公陳榮峻共同渡過，令吳香倫堅持不放棄：「我初初患病仲係新婚，我唔可以要我老公咁辛苦照顧我，我覺得心態好緊要。張嘉耀心態非常好，佢冇選擇逃避，而係積極面對，已經係成功嘅開始。」