Bob拆解40歲仍單身原因 誓幫胡定欣搵到另一半

被封「金牌媒人」的林盛斌（Bob）最近上陳敏之的影片頻道節目，揚言要為視后胡定欣尋找另一半，讓定欣脫單在望！

Bob在圈中人緣甚廣，曾自爆近十年八年共撮合過起碼8至10對情人，當中包括朱慧敏與心臟科名醫陳良貴、張秀文與金融才俊王大權等。不過Bob自言媒人唔易做，因每段成功情侶都經歷無數歷練，反而失敗更多。他直言到40歲或30多些仍然單身的男女，性格上一定有嚴重缺陷：「例如口不對心啦，話唔使靚嗰啲，扮咩呀？咪又係要樣靚、波大同腳長。女仔話唔使有錢，人哋揸架咩車出嚟又係到鄙視，收皮啦我心諗。」

阿Bob稱條件好有要求尚算合理，但本身條件不太好又多要求就不合理，認為眼緣也可以是「愈睇愈順眼」，他說：「你覺得佢今日着嘅唔靚又臭，人哋會沖涼㗎嘛，咪教佢沖多啲涼囉，可以進步。」

 

敏之邀請Bob上節目。

Bob在節目上仲聲稱讀書時期係校草。

 

Bob被封「金牌媒人」。

張秀文與金融才俊王大權就係由Bob一手撮合。

 

為胡定欣眼神凌厲好惡平反

談到下一個要幫的目標，阿Bob揚言一定是胡定欣：「下一個我一定要搞掂佢就係胡定欣，佢一定得㗎！」敏之都讚定欣是好女仔，孝順又靚女，阿Bob緊接再讚：「獨立，唔使你養。我問過一啲男仔，啲人會同我講『會唔會好惡？』覺得佢眼神凌厲，眉毛粗，嗰下怒瞪嗰下會攝走你，但佢嗰種溫柔、可愛同女性化係好正，當然我都知定欣會有要求，啱唔啱眼緣同傾唔傾到偈……我會努力㗎，胡定欣，你等等。」至於專心工作的胡定欣就繼續健身，在社交平台分享運動短片，大騷強勁背肌。

 

Bob大讚定欣好溫柔可愛。

Bob直言有男仔擔心定欣好惡，但Bob就話會努力，叫定欣等等。

身材超索！

個性獨立，唔使養都係一大優點。

騷長腿。

定欣唔使開工就會勤力做運動。

 

 

更多新冠疫情資訊，請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ