梁芷珮孖老公23日自駕遊東南歐 玩笨豬跳兼即採即食松露：正到爆

由「旅遊達人」梁芷珮（Christy）主持的TVB《潮什麼》系列節目備受大家喜愛，Christy繼上次帶大家玩轉芬蘭後，全新系列的《東．南歐潮什麼》將於今晚（30日）首播。Christy孖住御用攝影師老公花了23天時間自駕遊，玩遍克羅地亞、波黑及黑山！

今輯《潮什麼》繼續帶大家眼睛去旅行，Christy先帶大家玩轉克羅地亞，克羅地亞國內共有七個世界文化遺產景點，Christy則分別遊覽了著名的普拉競技場、坐擁1,700年歷史的皇宮，及美劇《權力遊戲》取景地杜布羅夫尼克，古色古香的環境讓大家仿如置身古代。

 

梁芷珮遊覽當地著名嘅普拉競技場。

 

仲同一班大隻佬合照留念。

 

梁芷珮仲去咗參觀擁有1,700年歷史嘅皇宮。

 

美劇《權力遊戲》嘅取景地杜布羅夫尼克。

 

克羅地亞鄰近地中海，水上活動自然不能錯過！Christy體驗了當地特色的睇日落之旅，於下午5點撐着透明船仔出海，欣賞無敵靚爆日落之餘，還能透過透明船底欣賞海底奇觀，她感嘆謂：「畀錢都買唔到呢個咁靚嘅景色。」另出名玩得的Christy，體驗了當地著名的跳崖之餘，還去了當地一個著名的足球場、登上37米高的球場頂部大玩笨豬跳；期間Christy嗌到拆天，相當過癮。

 

梁芷珮撐住透明船仔睇日落，真係Chill到爆。

 

仲可以安坐船中睇埋海底，可謂雙重享受。

 

個日落靚到呢。

 

除了玩得招積，Christy亦吃得相當招積，她去了有「松露之城」之稱的布澤特「尋寶」，拖着兩隻「導松犬」到野外採摘野生松露，並即採即食炮製成美味可口的松露炒蛋，Christy品嘗後更大嗌正到爆。

 

梁芷珮玩跳崖。

 

喺球場都可以玩到笨豬跳，真係估你唔到。

 

拖住「導松犬」到野外採摘野生松露。

 

梁芷珮帶大家即採即食松露，認真識歎。

更多新冠疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ