星島獨家丨黎耀祥大歎：冇靚女埋身新劇演鳏夫夥拍朱晨麗

2022-06-01 01:30

黎耀祥日前化身公園大叔為新劇《輕．功》拍外景，劇中的他仔大女大，可惜老婆（龔慈恩飾演）早已離世，老伴不在身邊倍感孤單寂寞；朱晨麗（朱朱）打算充當紅娘介紹相睇未能成功，祥哥笑言今次無靚女埋身，變了天煞孤星！

黎耀祥與朱晨麗日前為新劇《輕．功》拍外景，只見兩鬢斑白的祥哥化身公園大叔，他提着鳥籠，與朱朱悠閒地在公園慢步，之後還坐下來傾偈。朱朱透露劇情跟祥哥行公園是有目的，想牽紅線介紹女朋友給他認識，希望他參加現代相睇活動。祥哥說劇中老婆早年已過身，而劇中的寶珮如同是喪偶，所以朱朱想撮合兩人，雖然他答允出席相睇活動，但他對龔慈恩（龔姐）情深一片，最後也不成功。

問祥哥會否抗拒相睇活動？他說：「初時也不習慣，朱朱𠱁我去，因為我同龔姐經歷好多，一個老伴相處數十年，未必一下子可以放低，有好多細位寫得好好，令觀眾知道我真係好掛住個老婆，今次都係冇靚女埋身，天煞孤星，哈哈！」

朱晨麗指劇情要跟黎耀祥行公園，是想為對方牽紅線介紹新女友。

二人為新劇《輕．功》拍外景。

黎耀祥在新劇中喪妻，老婆一角由龔慈恩飾演。

預演退休生活

劇中祥哥飾演退休武師角色覺得好好玩，他笑言視作預演人生下半場，因角色與現實生活跟娛樂圈有關係，感受特別大。「劇中老婆早死，仔大女大頂心頂肺，現實中自己都有個仔，不是我死先，就是老婆死先，好多現實的問題令自己反思，將來退休會點過呢？這部劇當作預演一次，今次的劇本好實在、好貼地，個劇給我好大啟示，想像到相處幾十年的老伴離開好慘，當離開後就冇機會，所以當有機會便要珍惜。（是否更加錫老婆？）係呀！」朱朱指祥哥本身已經好錫老婆，現時更加錫。

說到她有段時間沒有拍劇集，之前有指她的負面新聞太多被TVB「雪藏」，對於解凍傳聞，朱朱說：「亂咁寫的！」她慶幸疫情下仍有工作，之前她在香港及內地拍電影、劇集沒有停過，稍後會參與拍攝葉念琛監製的新劇。問是否打破被雪傳聞？她稱不知道可否這樣說，總之有工作好開心，最緊要角色及劇本有得發揮，疫情下「鬱住」會不開心，希望有更多工作、多做運動，令自己開朗一點。