Edan跟Jeremy窩心留言安慰鏡粉 MIRROR演唱會門票全數售罄

2022-06-01 13:00

MIRROR於7月首次在紅館舉行的12場演唱會，門票昨日（31日）早上10時在售票網公開發售，提供約37,700張門票，鏡粉（Fans暱稱）要以實名制鬥快搶購。但由於太多人搶飛而令網絡癱瘓；拖慢售票速度，結果經過約11個鐘頭、在昨晚9點左右才售出全部門票，各位鏡粉終於可以收工死心瞓覺。

MIRROR合共12場紅館騷，昨日公開發售門票。

經過11個鐘頭後，晚上9點左右門票全部售罄。

成員之一呂爵安（Edan）昨晚約8點，在IG貼出靚仔彈琴相慰問一眾搶購門票的「爵屎」（Edan粉絲暱稱）及鏡粉：「知道大家由今朝10點買飛買到啱啱，辛苦晒了！其實我都好希望每一位想睇嘅朋友都可以睇到，希望以後有機會嘅話我哋可以再開多啲場同可以有個更加好嘅賣飛模式！」除了Edan，同被形容為暖男的李駿傑（Jeremy）也在IG限時動態貼出自拍照再向Unicorn（Jeremy粉絲暱稱）留言：「辛苦啦。」相信一眾搶購落空的鏡粉總算有點安慰。