尋人記II｜李鄭屋徙置區居民生姐等30年終上樓懷念昔日鄰里關係

2022-06-03 18:00

港人常嘆「上樓難」，第五集《尋人記II》探討80年代上樓有幾難。今集主角是1981年接受《新聞透視》訪問的馮自生及徐楊少英，兩人與3萬多名李鄭屋徙置區居民，同是天涯「輪候」人，輪候上重建公屋。由於李鄭屋徙置區用作臨時安置，衞生環境欠佳，馮自生一家四口及徐楊少英一家五口分別要擠在86及120平方呎的單位內。除了居住環境，治安亦很差，牛仔褲、水煲、火水和尼龍床都是賊人目標，公共女廁更時有搶劫及非禮事件。

攝製隊未試過尋回逾40年前的新聞主角，這集挑戰難度，持續半年、每周走訪1985年開始入伙的李鄭屋邨，地氈式「見人就問」，後來在熱心居民協助下找到馮自生。敢作敢言的「生姐」，40多年後依然健談，甫見到攝製隊即笑道：「我自己有『第六靈感』，我睇你哋特輯，已經心諗你哋會唔會嚟搵我吖喇？！」

為一張碌架床開心大叫

在徙置區住了三十多年的生姐最後一批「上樓」。她記起新居入伙時很激動，最興奮是擁有自己的床：「雖然係上下碌架床，但當時都開心到大聲嗌：『卒之有我嘅床喇！』」。雖然生活「逼」人，但生姐仍懷念昔日的人情味：「住徙置區係無奈、被逼，係人間慘事，但我懷念街坊守望相助的鄰里關係，嗰種人情味係依家搵唔到嘅，真係搵唔到。」對舊街坊念念不忘的生姐，記得攝製隊另一目標徐太一早搬往新田圍公屋，「第六靈感」再建奇功，攝製隊最後在沙田尋到徐太。

當年李鄭屋徙置區有三大苦況，包括衛生環境差。

治安差。

公共女廁時有搶劫及非禮事件。

生姐講番當年成功上樓後，對住碌架床嘅嗰份喜悅，開心對佢嚟講，真係好簡單。

樂天知命嘅生姐，坦言當年嘅徙置區生活，係人間慘事。

徐太憶述當年「上樓」後，最開心是有獨立廁所及廚房，並為改善居住環境多番出擊：「我嗰時有去公屋評議會度聽吓有咩新情況，又多次申請調遷到大單位，我話咁多隻雞擺喺個籠，你都話虐畜，我咁多個人擺喺間屋度，係咪虐人？」每集都為受訪者送上驚喜的攝製隊，今集找來當年採訪的記者劉慧卿，隔著電話與生姐和徐太話當年，相當溫馨！

昨晚一集內容豐富，除有生姐及徐太的勇氣、堅持、敢作敢言及鄰里間的人情味感動網民外，鄭伯伯自信滿滿的「叫方東昇搵方東昇」亦為網民帶來不少歡樂，還有網民看畢後覺得自己原來「身在福中不知福」，又為攝製隊連超過四十年的新聞主角也能尋獲感到嘖嘖稱奇。