馬天佑93歲外婆上月離世 手臂紋京劇造型悼念

馬天佑今日在其社交頻道公開一條片段，內容並非他經常拍的美容、扮靚、購物內容，而段片又好感性，原來他的93歲外婆、國家一級演員李薔華，於上月離世，因事出突然，令他一時間難以接受。馬天佑難捨表示：「5月份嘅時候，我婆婆離開咗我哋，成件事係好突然，因為婆婆離開前幾日，我哋先喺屋企同佢Facetime。」他指婆婆是他唯一剩低的Grandparent，亦是相處時間比較多的一位。

 

馬天佑的外婆李薔華上月逝世。

馬天佑非常不捨，講到想喊。

馬天佑貼出兒時與婆婆相處的照片。

 

在片中，馬天佑剪輯了婆婆的片段、又有與家人談及婆婆的往事，他指對方在藝術方面好叻，在京劇方面的輩份好高，更於2018年被評為「非物質文化遺產代表性項目代表性傳承人」。而婆婆對京劇的喜愛，更感染馬天佑的母親兒時去學京劇。

馬天佑雖然沒在京劇上發展，但他說：「記得我幾歲有一次同佢同台嘅經歷，有一個劇叫劇《鎖麟囊》，喺新光戲院有一個演出，佢哋爭一個小朋友嘅角色，就搵咗我上去，印象好深刻。」馬天佑更在手臂上紋上婆婆的京劇造型新紋身，去紀念對方。
 

馬天佑的外婆國家一級演員李薔華。

馬天佑話婆婆離開前幾日，曾在家中Facetime。

 

 

更多新冠疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ