任達華預計父親節親自下廚捉埋妻女飯前做運動保健康

2022-06-16 18:00

任達華與宋熙年今日到中環出席推廣本地食材活動，華哥更為活動到元朗的農地及漁塘影相，笑言當日天雨導致助手跌入漁塘，而他最擔心是整濕相機，最終影了50多張心水靚相。

任達華為活動到元朗的農地及漁塘影相。

任達華自言愈食愈簡單，開工常自備雞蛋、蕃薯及溫水。

自言從小已愛食蕃薯及蕃薯葉的華哥，表示自己愈食愈簡單，問到食得健康，拍戲時是否自己準備飯盒？他說：「我出門拍戲只需要帶雞蛋、蕃薯和溫水便可以，基本上是每日都必備。」不少人都讚他保養得宜，華哥稱朋友都指他背影似廿多歲後生仔，更自爆有4粒朱古力腹肌。提到早前復工拍攝兩部電影，華哥指前一日才通宵拍攝，過程順利，只是天氣影響偶爾要暫停。

提到父親節將至，華哥透露已約家中兩位「高妹」；太太琦琦及女兒Ella食飯慶祝，笑言在家中其身高及地位都是最低，屆時會下廚炮製一道自己喜歡的餸菜。問到有何願望？他笑說：「當然是身體健康，一家人做一個小時運動後再吃飯。」