魏浚笙有緊密接觸確診煞停工作一周自我隔離向粉絲致歉

2022-06-26 18:00

近日香港疫情有反彈，診數字再次上升近2000宗，男神Jeffrey（魏浚笙）今日喺TG Group宣佈，因為身邊有緊密接觸者確診新冠肺炎，所以要自我隔離一星期，所以為安全起見，同保護大家，特地決定取消今星期活動。

魏浚笙有緊密接觸確診。

Jeffrey主演ViuTV新劇《I SWIM》即將喺7月11日晚開播，近日ViuTV推出了多張劇集宣傳照和花絮片段，兩位主角Edan（呂爵安）和Jeffery喺泳池中鬥泳，片中更見到兩人互相鬥力狂騷肌，令粉絲大飽眼福！唔少fans好想見到呢兩位男神風采，原先他都有連串工作，包括連續3日會出席品牌Event，之後再宣傳新劇，但統統都取消。

Jeffrey主演ViuTV新劇《I SWIM》即將喺7月11日晚開播。

劇中兩位主角Edan和Jeffery喺泳池中鬥泳。

Jeffrey今午喺粉絲TG Group留言：「剛剛收到消息，因為我身邊有緊密接觸者中咗，所以為安全起見同保護大家，特別𠵱家疫情嚴重，所以我哋決定取消今個星期所有行程同見面會，想自我隔離咗先，然後睇定啲情況後再同大家見面！」之後又失望說：「呢幾日又見唔到大家了，對唔住，我知道有咖啡豆（Fans暱稱）特登請假的。」咖啡豆表示理解及明白Jeffrey處境，且反而安慰他不用自責。