魏浚笙有紧密接触确诊煞停工作一周自我隔离向粉丝致歉

2022-06-26 18:00

近日香港疫情有反弹，诊数字再次上升近2000宗，男神Jeffrey（魏浚笙）今日喺TG Group宣布，因为身边有紧密接触者确诊新冠肺炎，所以要自我隔离一星期，所以为安全起见，同保护大家，特地决定取消今星期活动。

魏浚笙有紧密接触确诊。

Jeffrey主演ViuTV新剧《I SWIM》即将喺7月11日晚开播，近日ViuTV推出了多张剧集宣传照和花絮片段，两位主角Edan（吕爵安）和Jeffery喺泳池中斗泳，片中更见到两人互相斗力狂骚肌，令粉丝大饱眼福！唔少fans好想见到呢两位男神风采，原先他都有连串工作，包括连续3日会出席品牌Event，之后再宣传新剧，但统统都取消。

Jeffrey主演ViuTV新剧《I SWIM》即将喺7月11日晚开播。

剧中两位主角Edan和Jeffery喺泳池中斗泳。

Jeffrey今午喺粉丝TG Group留言：「刚刚收到消息，因为我身边有紧密接触者中咗，所以为安全起见同保护大家，特别𠵱家疫情严重，所以我哋决定取消今个星期所有行程同见面会，想自我隔离咗先，然后睇定啲情况后再同大家见面！」之后又失望说：「呢几日又见唔到大家了，对唔住，我知道有咖啡豆（Fans昵称）特登请假的。」咖啡豆表示理解及明白Jeffrey处境，且反而安慰他不用自责。