獨家丨何廣沛讚陳曉華濕身Look好索 有CP感獲欽點再續情緣

何廣沛及陳曉華在TVB《回歸光影頌》單元《曙光》中演夫妻，所以有唔少溫馨場口，其中一場講兩人拍住拖喺雨中送貨，陳曉華一隻手繞實推住手推車嘅何廣沛，另一隻手為他舉傘，因為雨勢太大，兩人濕晒身。Cut機後何廣沛大讚陳曉華嘅出水芙蓉look好索：「佢係靚嘅，幾濕都改變唔到個妝容！」採訪：方騫平  攝影：沈健程

陳曉華及何廣沛為單元《曙光》拍外景，兩人落住雨拍拖送貨。

劇中二人有好多溫馨場口。

由於何廣沛及陳曉華喺劇集《異搜店》中有CP感，監製林志華欽點兩人「再續情緣」，孭重飛由《曙光》貫穿演到15集嘅《回歸》，即《回歸》主要演員陳煒及郭晉安嘅年輕版，林志華更大讚兩人演技有料到。

監製林志華大讚兩人演出有默契，感覺好有愛。

何廣沛及陳曉華曾拍攝《異搜店》。

包保鮮紙打底怕凍親

早前，何廣沛及陳曉華喺西貢拍外景，book晒水車營造大雨效果，身穿白恤衫配深藍色外套嘅陳曉華，埋位前做好準備，上身包晒保鮮紙打底，她解釋唔係怕濕身透視會變得性感，而係怕濕晒身再吹風會凍親。 

外景隊book晒水車營造大雨效果。

陳曉華、何廣沛在《曙光》中由年輕夫妻變為父母。

由於take咗好幾次，陳曉華濕晒身，頭髮滴晒水，但她依然笑晒口，拍得好投入。何廣沛乘機食她「豆腐」：「呢個靚女係邊個？我未見過…佢獻咗第一次濕身畀我！」記者追問他覺得陳曉華身材如何？何廣沛即變返一本正經：「我投入角色冇研究過，只focus佢眼神及頭髮，見到佢妝容不變。」陳曉華聽完就勁開心話：「聽住先啦！」她又多謝何廣沛教曉佢好多嘢，又為她分析劇本，何廣沛更睇好陳曉華年底奪「飛躍進步女藝人」：「我等你喺台上多謝我！」

何廣沛帶笑投訴負責舉傘嘅陳曉華唔，搞到他濕咗一半身。

陳曉華強調演技受肯定比身材獲讚賞更加重要。

星島新聞集團慶回歸25周年專題網站，請即瀏覽 

立即下載 | 全新《星島頭條》APP :  https://bit.ly/3yLrgYZ