雞排妹分享不瘦胸減肥法每周運動三日兩個月練成22吋腰

2022-07-11 11:00

28歲的雞排妹（鄭家純）近月忙於拍攝出道10周年寫真集，向來言論大膽又好身材嘅佢講明寫真集嘅尺度相當大。而為了今次拍攝，雞排妹在兩個月內採取嚴格的飲食控制及實行每周運動三日，近日她大方跟絲打們分享瘦身不瘦胸的方法。

花絮相已經好好J。

係咪好羨慕攝影師?

雞排妹皮膚好靚，佢話方法只有一個就係飲多啲水，同埋就算戒唔到咖啡都盡量飲黑咖啡，拿鐵就咪掂嘞。

雞排妹公開在4月尾至6月中的減肥結果，指體重變化由46.5KG減至46.2KG，骨骼肌重加了1KG，體脂肪率從29.9%減到25.6%，腰圍更由24.5吋減至22.5吋！

真係瘦身唔瘦胸。

雞排妹表示帶氧運動的減脂效果好，但好易令胸部愈減愈細。為了做到減脂不減胸，雞排妹指教練唔會叫佢跑步、做有氧或高間歇的運動，而是主要針對腹部及臀部來進行鍛鍊，她會每周運動2至3次，每次1至1.5小時，既可消耗熱量又能增加肌肉，令Body線條更緊緻。

而飲食方面，雞排妹會選擇水煮或是少油、少調味、少煎烤的食物，當中會多吃各式各樣的青菜，澱粉類就食南瓜、芋頭、馬鈴薯，肉類則是雞胸肉和冷凍鱸魚片等。另外也會一天喝2000至2300毫升的水，並堅持唔飲酒、唔飲有味飲品、唔食甜品及煎炸嘢。她又建議大家要循序漸進，可以從一周3餐開始慢慢增加份量，唔好一刀切日日食健康餐，咁樣影響心情減得唔開心。