獨家丨袁澧林唔介意爆粗扮醜女望突破乖乖女神框框

2022-07-13 08:00

「文青女神」袁澧林（Angela）最近在ViuTV青春劇《I SWIM》，跟Jeffrey （魏浚笙）演中學生情侶，不過她大呻浪漫背後其實有苦自己知。入行幾年，Angela坦承想以更多不同面向呈現給觀眾，去年她連拍6部電影，有機會演爆粗護士及單親媽媽，令她很興奮，未來就算扮極醜都冇問題。採訪：杜杜攝影：沈健程形象：Daniel Cheung 髮型：Lupus@orient4 化妝：Jenny Shih　服裝：Miu Miu 場地：The AIR (The ONE)

28歲的Angela着起校服依然神似，演的角色「施詠」好有正義感。

對於首次跟Jeffrey合作，Angela 對他有讚冇彈，「Jeffrey 好敬業，為咗角色操大隻好忍口，係個超級有discipline嘅人。」而前後在電影《過時過節》及《闔家辣》跟Edan（呂爵安）合作，她讚對方除了有感染力兼機靈外，還會虛心學習，「拍《過時過節》時，佢唔識會問，完全虛心同零架子，毛姐（毛舜筠）會成日指點佢，呢樣嘢係有條件做一個巨星。」

Angela雖然大Jeffrey 4年，但外形合襯完全睇唔出。

Angela大讚Edan夠虛心兼零架子，有成為巨星潛質。

捱住凍鴛鴦戲水

劇中Angela跟Jeffrey有不少拍拖甜蜜戲，畫面極靚，但拍攝過程卻不足為外人道，好似一場鴛鴦戲水戲，要在冬天只得11度的晚上落水，「講起嗰日係非常之辛苦，反覆落咗6次水，水底一定凍過水面溫度，變相一上嚟照完燈係舒服咗，但要再跳落水，真係救命，超級掙扎呀！同埋每次落去都會感受到好似哮喘嘅感覺，因為氣管會收縮，存氣量得返好少，亦都好容易抽筋。」

Angela在劇中不需要參加游泳比賽，但也有不少戲在泳池拍攝。

今次劇集Angela繼續演靚靚的乖乖女，但原來去年先後拍了6部電影的她，嘗試了很多不同類型角色，她也很想電影早日上映，可以快點呈現自己不同面貌給觀眾，特別在卓韻芝的新作中演的瘋狂爆粗護士，「角色雖然有啲難度，但係我係做得好開心，都係我嘅一面嚟，好直接，有咩即刻反應，但係我𠵱家唔可以講粗口，哈哈！我都期待《I SWIM》之後，會有唔同想像帶到畀大家。」講到《I SWIM》將開拍電影版，Angela也相當期待，「幾好玩，感覺好新，睇電影嘅話，要先知道電視劇嘅劇情，某程度上呢個係導演（馮志強）嘅自信嚟，呢個偶像劇一定有好多人去睇，所以電影版大家都會入場，呢個自信好犀利。」