Juicy叮｜驚見大汗男友黑衫殘留「白色粉末」 港女：乜真係會出汗出到有鹽

近日香港持續熱焫焫，多處氣溫高度35度，市民戶外行走亦大汗淋漓。有港女日前在討論區發文，指男朋友經常出汗，但又喜歡穿黑色衫及孭背囊，日前竟發現膊頭及背部位置出現「白色粉末」，細問下才得知原來是汗迹，「乜真係咁會誇張，出汗出到個身有鹽？」

一名港女日前在香港討論區發文，主題為「男朋友出汗出到個身有鹽？」。她指近日天氣極度炎熱，加上其男友一向大汗，又喜歡穿黑色衫及孭背囊，故外出時男友都會汗流浹背。樓主指最近男友到家中找她，剛除下背囊便發現他的黑衫膊頭及背部位置有「白色粉末」，「問佢做咗乜嚟整到個人咁dirty，點知佢笑住咁答我呢啲係佢啲汗水，乾咗之後變成嘅鹽份嚟，仲話好天然，叫我煮飯可以」。樓主表示自己第一次見到，感到難以置信，直言「乜真係咁會誇張，出汗出到個身有鹽？」

有港女指男友身穿的黑衫上出現離奇「白色粉末」。網上圖片

帖文引來網民熱議，不少人均表示如果天氣酷熱，加上出汗太多，被會出現汗迹，「如果着黑色衫，又好熱好多汗嘅話，唔出奇。好多時行山都會發現咁樣」、「唔出奇吖，我睇你好少做運動，尤其outdoor sport」、「黑衫先睇到，白衫睇唔到」、「我之前送外賣，夏天，收工件衫都會咁」。不過亦有人笑指衫上的白色粉末除了有鹽份外，還有尿素，根本不能煮飯。

來源: 香港討論區

星島新聞集團慶回歸25周年專題網站，請即瀏覽
立即下載｜全新《星島頭條》APP：https://bit.ly/3yLrgYZ