東張姦斬令丨李旻芳憑良心做事與黃耀英夫妻檔返工放工較安心

2022-07-26 17:15

TVB人氣節目《東張西望》女主持李旻芳否認收到「姦斬令」恐嚇，她今日表示：「信息唔係我收到，詳情係點我都唔係好清楚，我都係睇報道先知道。始終《東張西望》呢個節目內容有好多唔同範疇嘅報道，例如好多涉及民生嘅議題多人睇自然多話題同評論。有好多時都會收到觀眾留言嘅支持，但偶然的確會有好少數留言帶有攻擊性，雖然都會有啲擔心，但係都擔心唔嚟。相信只要憑良心做事，盡力做好，相信大部分觀眾都係理智嘅。」

可會擔心人身安全？李旻芳稱：「我自己平時唔返工都唔會周圍去嘅，所有唯有出外採訪時候痴實班幕後同事，因為幕後團隊其實好照顧我哋，萬一有咩事佢哋一定會第一時間保護我哋前線嘅主持。」

李旻芳表示會憑良心做事。

李旻芳因為身材出眾，是「東張女神」之一。

李旻芳老公黃耀英則表示關於姦斬令一事要問太太，他直言相信任何人聽到此等消息都會提高警覺，而兩夫婦做同一個節目，社交圈子相同，有事一定會保護對方，他稱：「做《東張西望》呢個節目有時做咩類型嘅題材大家都知道，所以呢啲情況有可能都避無可避。至於我嗰方面，好彩我哋係同一個節目工作，所以其實已經好多時都一齊返工放工，一齊食飯，一齊放狗。所以佢嘅朋友圈、同事圈同我嘅一模一樣，大家合作咗咁多年都非常相信對方嘅能力，有咩事一定會保護對方。不過大前提係希望不愉快嘅事情唔好發生啦。」