答得快好世界丨阮兆祥睇韓馬利主持偷師 陳自瑤連環講錯嘢自爆「濕咗」

阮兆祥、陳自瑤（Yoyo）、安德尊及林秀怡等今日到電視城為遊戲節目《答得快 好世界》進行錄影，由於今集的主題是《勝在夠開心》，故請來當年的主持韓馬利（Mary）及李有毅現身。

祥仔表示當年《勝在夠開心》做了超過200集，不過笑言因自己是「2000後」，所以未有看過該節目，豈料在旁的Yoyo突說：「爹哋媽咪唔畀開電視！」搞到祥仔即笑說：「唔好再提開電視。」指二人在TVB。身為節目主持人的祥仔，覺得今次是一個偷師的機會，因為早在《K100》年代已有看Mary姐做節目，更大讚對方反應快及記性好。

 

阮兆祥（右）、陳自瑤等今日現錄影。

韓馬利及李有毅現身。

 

提到早前播出的《開心無敵獎門人》最高錄得24.5點收視，祥仔表示得知時好開心，亦多謝觀眾支持。對於陳山聰錄影節目後確診，他表示當時亦有擔心，由於要繼續開廠，故一直有做檢測。問到會否在「搵啖食」環節外，其餘錄影時間均戴上口罩？他說：「睇監製意思，作為主特人要睇製作團隊有咩決定。如果環境真係好惡劣，我哋都會做一啲應對嘅事情。」

 

阮兆祥對陳山聰錄影《獎門人》後確診，坦言當時亦擔心。

陳自瑤不斷講錯嘢。

 

另外，剛拍完《婚後事》的Yoyo指現時忙住陪囡囡放暑假：「因為之前都忙，而家就抽番啲時間陪佢過埋剩返嘅暑假，陪玩陪溫書。」不過當祥仔提醒她在戶外記得要多喝水時，她又再講錯說話：「會呀，前幾日都有去戶外，大家有冇覺得我濕（黑）咗。」搞到再被祥仔取笑。

 

張秀文晒腿亮相。

安德尊（左）等也有參與。

 

星島新聞集團慶回歸25周年專題網站，請即瀏覽

立即下載 | 全新《星島頭條》APP : https://bit.ly/3yLrgYZ