Juicy叮｜酒樓5茶客淨食2個1蚊鮑魚雞煲 埋單人均僅15.8元惹熱議

不少餐廳都會推出不同優惠，藉此吸引食客光顧。有網民於社交平台分享，指一間連鎖酒樓推出「$1鮮鮑魚雞煲」的限時優惠，他與4名友人僅點了2個雞煲，連同茶芥附加費，合共僅花79元，引起網民熱議。 

該名網民於facebook群組發文指，與4名友人於上周五（5日）晚上在旺角一間連鎖酒樓用餐，適逢店家推出晚飯及宵夜優惠，他們便點了2個「$1鮮鮑魚雞煲」享用。樓主又指，當時本來打算點另一款價值28元的氣鍋湯，惟落單時已售罄，5人亦沒有再點其他食品。

5名酒樓茶客於晚市淨食2個$1鮑魚雞煲。FB圖片

從樓主上傳的照片可見，桌上除了2個雞煲外，只有餐具及熱茶。樓主亦指，最終一行5人吃了兩個雞煲便結帳離開，連同晚市茶芥費用，賬單總數僅79元，人均只需15.8元。

5名酒樓茶客淨食2個$1鮑魚雞煲，賬單總數僅79元。FB圖片

事件引起網民熱論，有網民批評樓主小器，「著數拎到盡」、「人哋打開門口做生意，燈油火蠟人工乜都係成本，你幾個大男人走去攞完人着數仲post晒大特寫出嚟，好似展示勝利姿態咁」；有網民則認為商家與客人「明買明賣」，故樓主的做法並無不妥，「推廣政策不是什麼新鮮事，推得出嚟就預咗有呢啲客」、「飲食最重要就係人流，無客蝕租人工材料成本」、「商家自己無附加條件怪得邊個」！

資料來源：耆英長者老人家搵外快 求職群

星島新聞集團慶回歸25周年專題網站，請即瀏覽  
立即下載 | 全新《星島頭條》APP :  https://bit.ly/3yLrgYZ