有個閨密叫祖藍丨胡杏兒被指「牛」性甚重 自爆拍劇錫完黃浩然即嘔

由王祖藍擔任主持、一連八集的全新綜藝節目《有個閨密叫祖藍》，第二集嘉賓胡杏兒除了例牌與主持祖藍大玩「閨密快問快答」，祖藍讚不絕口直指杏兒「牛」性甚重：「佢好勤力、好顧家、好錫老公、好錫小朋友。佢都話辛苦，就真係好辛苦㗎喇。」

 

《有個閨密叫祖藍》第二集嘉賓係胡杏兒。

 

胡杏兒有3個仔，仲好勤力工作，真係好犀利。

 

胡杏兒好鍾意曾比特。

 

胡杏兒於節目中與曾比特相遇。

 

唱完歌仔杏兒與祖藍轉戰廚房陣地，杏兒煮碗仔翅，祖藍主攻咖哩魚蛋，祖藍對杏兒手勢讚口不絕，對此杏兒笑言有想過退休後賣碗仔翅，祖藍聞言即舉腳贊成。二人邊食邊玩「Truth or Dare」，並先後面對製作組設計的一連串刁鑽問題，例如「最驚收到邊個TVB藝人朋友嘅電話」等。對於要拉朋友落水，杏兒相當頭痛，此時祖藍竟想到拉「負評王」李思捷落水，謂「有冇討厭嘅人……李思捷嗰啲呢。」

 

一齊煮飯仔。

 

胡杏兒煮碗仔翅。

 

問到「最差一次接吻戲經驗」時，杏兒苦思良久後竟想到超爆笑陳年經歷謂：「我記得係拍《當狗愛上貓》嗰場戲，其實冇乜嘢，但我唔知係個胃唔舒服定點，錫完之後我當場嘔。」之後，談到最不滿意一套劇集時，杏兒直認：「好多都唔滿意，但最唔滿意《衝上雲霄》，因為算係第一次戲份咁重，我嗰時真係唔知自己做緊乜。」

 

胡杏兒講起與黃浩然拍《當狗愛上貓》一場吻戲，拍完即嘔。

 

星島新聞集團慶回歸25周年專題網站，請即瀏覽

立即下載 | 全新《星島頭條》APP : https://bit.ly/3yLrgYZ