有個閨密叫祖藍丨容祖兒小學時勁受男同學歡迎曖昩對象竟有李克勤份

2022-08-20 10:00

《有個閨密叫祖藍》的第四集嘉賓是王祖藍小學同學容祖兒，製作組特意還原「課室」，讓「孖祖」重拾「小學時的那些年」。「孖祖」邊吃着零食點心、邊剝那些年的花生。王祖藍自言小學時好「乞人憎」，並大爆容祖兒很受男同學歡迎，指曾有男同學請教他追求祖兒之道，王祖藍說：「我斜對面都有同學鍾意你㗎，啲男仔都係鍾意成熟同有女人味嘅女仔。」容祖兒聞言感歎謂：「反而大個咗冇乜呢啲嘢（有人追），其實好想搵番細個斯斯文文嘅感覺，我覺得我愈大愈似一個男人，忽略咗做女仔嘅溫柔。」

容祖兒係王祖藍小學同學。

王祖藍自言小學時好「乞人憎」。

二人於課室內重溫舊事。

認唔認得出邊個係王祖藍，邊個係容祖兒呢？

王祖藍細個係咁嘅樣。

容祖兒細個就係咁樣。

問到二人有否曾經「鍾意過對方」，容祖兒即時嚇至噴飯狀，但又貪過癮追問王祖藍曾否「動情」，慘遭考起的王祖藍停頓三秒後自嘲打圓場謂：「唔夠膽諗，高過我點夠膽諗。」容祖兒聞言九秒九抵死反駁：「但大部分人都高過你喎。」製作組還事先準備了兩人六年班的班相，「孖祖」一見到即循照片追尋回憶，除了對自己小時候「尊容」各有不滿，眼利的「孖祖」還鬥快尋獲彼此初戀對象，更忍不住興奮大爆「對象」中文全名，嚇得容祖兒急忙阻止謂：「喂！唔好講人全名啦！」之後興起的王祖藍再如數家珍般大爆認知中容祖兒的「曖昩名單」，當中竟然有李克勤，二人聽到「李克勤」三個字時更不約而同爆笑。