仁愛堂丨邵初腳趾尾甩關節未能演出梁凱晴表演魔術獲讚有天份

2022-08-21 12:15

著名魔術師李行齊與港姐梁凱晴（Carina）昨晚（20日）在《善心滿載仁愛堂》合作表演魔術，Carina笑指今次因練習魔術而刮花腳，不過她就大讚行齊細心，「佢都好專業，亦好錫住我，教我點樣小心啲會冇咁容易整親。」問到是否因為手腳笨？Carina聽罷即否認，而行齊就指對方發揮超水準，更指今次訓練較苛刻，Carina説：「其實都唔算苛刻，練習咗就會順，希望一陣唔會失敗。」行齊指今次教魔術教得很輕鬆，又大讚對方天資聰敏。

Carina表示最想知「刀鋸美人」的秘密，更笑言想被鋸，問到日後會否想再學魔術，她説：「都有，我想學刀鋸美人同凌空飄浮，都好想知道係點。」而行齊就指很多魔術的難度也差不多，但仍要配合場地、音樂及燈光等，問到會否收Carina做徒弟，他即尷尬說：「分享吓、交流吓啦！」

港姐梁凱晴否認自己手腳笨，魔術師李行齊就讚對方發揮超水準。

Carina話最想知「刀鋸美人」嘅秘密。

另外，同樣有份表演魔術的邵初因受傷而沒上台演出，穿上拖鞋的她透露前晚在家中踢到門搞到右腳腳趾尾甩關節，所以要臨時取消演出，對於因傷不能上台，她感到有點可惜：「佢哋要搵人代我我都覺得唔好意思，不過因為應承咗做呢個騷所以都會嚟，我覺得係一份專重。」邵初指短期內不能著高踭鞋及需要最少一星期才能康復，未來3日因沒有工作，故會留在家中休養。