獨家丨陳詩欣泰國旅行疑遇「打工」騙案私訊人為台灣女仔憂對方安危

2022-08-22 16:30

曾拍過TVB《3日2夜》獲封「一件頭女神」的陳詩欣（Eunice），近日與老公陳爾正（Joshua）婚後首次旅遊，連日來在社交網分享多輯泰國靚相，包括泳裝、浸浴照等目不暇給。不過，在曼谷歎世界期間，Eunice突然收到疑似騙徒短訊，邀請她到當地「打工」，由於太敏感，搞到她心驚驚，揚言寧願Latergram（延遲發佈）都不敢即時打卡自洩行蹤。

Eunice在IG Story上載「打工」訊息，當中寫明：「看到您在泰國曼谷，有沒有興趣在泰國曼谷打工....或是有客人想去消費也可以介紹給我的，謝謝！」明顯有人關注其社交網後繼而埋手，Eunice表示本身不太擔心，但在泰國看到香港的新聞後，便有所警惕，寫道：「開始有少少擔心，加上見到呢個dm，所以我唔敢去到邊都即時打卡，寧願Latergram（延遲發佈）。」

陳詩欣被封「一件頭女神」，超索！

同老公去曼谷旅行，就收到奇怪私訊，叫佢「打工」。

詩欣睇新聞後都擔心「賣豬仔」騙案。

詩欣透露係一個台灣女仔Send訊息畀佢，但現在賬戶已刪除，佢都有啲擔心對方。

Eunice今日回覆《星島頭條》表示已返港並完成隔離，她憶述收到私訊後，曾查看對方的IG賬戶，她說：「其實我冇回覆。當時只係覺得搞笑，點解叫我去打工，因為嗰陣時未有新聞報道柬埔寨事件。但諗返轉頭，搵我工作係台灣女仔，如果係真反而有啲擔心佢嘅安全。（認識嗰位台灣女仔？）唔係，但有睇過對方IG，不過可能都係假賬戶，而家都搵唔番個女仔嘅IG。」她指看到新聞後，跟老公都避免太夜返酒店，而當地的旅遊區亦比較少香港人，相對外國人較多。

患急性腸胃炎入急症室

另外，Eunice在隔離期間，曾趁空與網友玩「你問我答」，透露初抵曼谷時不久患上急性腸胃炎，要到醫院急症室，她說：「由day 1開始屙到day 4，終於受不了，最後去了距離酒店5分鐘的醫院。收到張單嚇親8000泰銖大概2000多元港幣。」