姚焯菲自爆現上台唱歌仍感緊張冼靖峰唔畀面反而揀蓮姐合唱

2022-08-22 11:00

姚焯菲（Chantel）、冼靖峰（Archie）、張馳豪及何晉樂等，昨晚（21日）以表演嘉賓身份到會展，出席慶祝香港特別行政區成立二十五周年的「青少年同心同根回歸慶祝晚會暨同心同根會成立典禮」。

Chantel在台上演唱了《原來談戀愛是這麼一回事》及《#BFF》，表演期間，她不時舉V字手勢兼露出甜美笑容冧fans，事後Chantel解釋是因為見到有fans想和她影相。雖然有多次舞台經驗，但Chantel坦言每次出場前都會覺得緊張，問她如何克服？她説：「就算練得幾熟都好，都會擔心記錯歌詞、唱得唔好或者係走音。我都有問唱歌老師，佢都有叫我要克服。」問到上台唱歌和考試，哪一項比較緊張時，她想了想後説：「我覺得考試緊張啲，因為你溫完啲嘢，唔知考題係咩。」至於首次演繹新歌《一個人的幸運》的Archie則指雖然事前已練了很多次，但仍感到緊張，更坦言仍有很大的進步空間。

Chantel表示現在上台表演也會緊張。

Archie首次演繹新歌《一個人的幸運》。

張馳豪

何晉樂

Chantel與張馳豪早前推出合唱歌，問她是否想跟Archie合作？兩人即時互望傻笑之餘並表現得頗為尷尬，Archie指希望能跟不同的人合作：「一啲唔同嘅合作其實會擦出唔同嘅火花，所以希望嚟緊會有唔同嘅機會，《聲夢2》嘅學員可以。」最想合作的女學員，Archie表示想找蓮姐（林君蓮），因為覺得對方的聲音很好聽亦好特別。當笑指Archie不畀面Chantel時，他即說：「都想同Chantel合作，希望觀眾都有機會睇到。」至於Chantel則謂其實跟誰合作亦沒所謂，但她指要揀的話，會選擇潘靜文，因兩人未試過合作。活動完結後，Chantel 在離場時即被一眾fans包圍，而她亦有停下來與fans影大合照，表現親民。