有個閨密叫祖藍丨千嬅指丁子高唔識撈成日彈老婆 陪奶奶打牌膽戰心驚

由王祖藍擔任主持、一連8集的TVB綜藝節目《有個閨密叫祖藍》，最新一集嘉賓是楊千嬅，兩人一邊打羽毛球一邊大談心事，當中千嬅大方談及與老公、仔仔甚至是奶奶的關係。千嬅大爆老公丁子高是「運動魔人」，即使只是上綜藝節目也當正真正的比賽：「有次佢特登train咗3個月先去拍，我提咗佢10次呢個係節目，你只係演員，佢就話自己係運動員。」千嬅說到此處即笑指自己冇嫁錯人。

 

姊弟戀修成正果。

 

近年連工作都拍住上。

 

呢個大家都知。

 

愈講愈興奮的千嬅，笑指丁子高經常唔「識撈」，不時批評老婆唱功、衣着等，千嬅又坦言與丁子高並非一見鍾情，反而是愈相處愈發覺自己深受對方影響，並謂現時在上海居住也是因為老公的上海人身份：「當初嚟係因為佢好耐冇見屋企人，佢屋企大家族嚟，每次食飯都成三圍枱。但我爸爸媽媽喺香港，所以都會掛住香港。」

祖藍追問千嬅曾否行奶奶政策，她即分享與奶奶打牌趣事：「打牌我識識哋，因為數學真係相當差。初初打我好驚架，奶奶好認真，唔可以亂打。譬如人哋做大牌，但我又唔知亂咁打，結果打出去畀個雞糊截咗人哋一舖150幾番，真係驚過輸架。」

 

一邊打羽毛球一邊傾偈。

 

當然又係忍唔住笑。

 

節目中都講咗唔少家庭事。

 

一家三口移居去上海。

 

立即下載 | 全新《星島頭條》APP : https://bit.ly/3yLrgYZ