練美娟認為ViuTV兩劇延播決定正確唔打搞MIRROR成員係最好安慰

2022-08-26 21:00

練美娟（娟姐）與陳定幫師傅今日到中環出席活動，娟姐坦言近月工作減少許多，期望所拍的劇集及綜藝節目可在稍後推出，到時就能多點跟大家見面。

對於ViuTV新劇《季前賽》及《百萬同居計劃》，因MIRROR演唱會發生嚴重事故致延期播出，娟姐指不會為此而不開心：「我諗依家唔係一個好適當嘅時候播出，我又唔擔心佢會沉底唔出，所以期待佢快啲播，我諗大家都好注目劇集入面嘅所有人。」娟姐又指就算延播，她認為公司做的決定是正確，亦是最適當的安排。

練美娟（左）對新劇《季前賽》及《百萬同居計劃》延期播出，表示沒有不開心。

練美娟表示不打搞MIRROR是一個最好的安慰。

問到有否關心曾合作過的MIRROR成員？娟姐表示沒有，因覺得他們已收到很多的訊息：「佢哋最需要嘅係一個空間去唞吓、休息吓、沉澱下，所以我諗唔打搞係一個最好嘅安慰。」問到現在ViuTV的氣氛是否很差？她指自己覺得氛圍沒特別，拍節目時亦有跟嘉賓暢談：「應該冇影響，最緊要係台前幕後大家心態正確啲，正能量地一齊希望件事會轉好。」