飯戲攻心丨黃子華「休息」慶祝62歲生日古天樂以特別嘉賓身份到場打氣

2022-08-29 22:30

黃子華、鄧麗欣（Stephy）、林明禎及廖子妤等今晚出席電影《飯戲攻心》首映禮，大會更安排一眾演員送禮物給將於9月5日生日的子華，廖子妤送上紅雞蛋、Stephy送上親手畫的流質畫，至於導演陳詠燊就送上《飯戲攻心》續集故事大綱給子華，搞到他非常興奮，而有份投資電影的古天樂（古仔）亦以特別嘉賓身份到場打氣，不過當古仔即場呼籲大家要支持《飯戲攻心》後，主持人即表示：「仲有《明日戰記》」，搞到古仔即尶尬地説：「唔好提《明日戰記》。」

電影《飯戲攻心》今晚舉行首映禮。

（左起）林明禎、王菀之、黃子華、鄧麗欣

正忙於演出舞台劇的子華今日剛好休息，他在接受訪問時表現興奮，表示生日當天應該沒有工作，但又指現時有工作已經很好，問到如何慶祝62歲生日？他說：「休息，休息已係最大慶祝。」子華又為終於可欣賞電影而覺得開心：「之前聽到好多人話好睇，而家可以好放心去睇。」至於Stephy雖然已是第三次看《飯》，但仍然覺得很期待：「今次係同大家一齊睇，所以呢種感覺好開心。」對於最近的港產片上映後成績不俗。問子華對票房有沒有信心？他笑説：「希望托佢哋嘅鴻福拉埋我哋上去。（擔唔擔心票房會受疫情影響？）憂慮一定有，我覺得呢次大家係會控制到，大家都好有經驗，其實大家齊心啲同檢點啲，就會知道應該點樣控制。」至於是否會接拍續集，子華就表示剛才收禮物時很感動，更指若有續集就一定參與演出，而Stephy與林明禎亦表示期待有續集，Stephy說：「今次真係拍得好開心，同埋出到嚟我都好滿意。」而子華則笑指若以香港六、七十年代作為故事背景，應該亦會很有趣。而對於舞台劇已加開到50場，子華說：「都係希望好嘅演出可以多啲人睇，其實前三日我已經「盡咗」，所以今日有得嚟睇好開心。」

「大馬女神」林明禎因工作而長期在港，問到中秋節是會返大馬過節？她表示10月將與媽媽在台灣見面，所以覺得很期待，而她亦希望12月可帶媽媽來香港。