吳家忻24歲生日與男友平淡慶祝 默認老夫老妻唔使太刻意表示

吳家忻（Kayan9896）今日出席自家設計品牌pop up store開幕，近日推出新歌的家忻指歌曲講述過往自己在愛情上的忐忑及諗法，問到會否寫一首關於現狀的感情生活，她說：「都有諗過，要諗吓點樣寫，寫歌好難㗎！」提到剛度過24歲生日，家忻指當天雖然與男友林家熙二人世界，但過得很平淡，只是在家中玩board game：「做嘢好忙，冇心思出去玩。」不過當問到男友送了甚麼給她做生日禮物時，她想了一會說：「冇，我贊成嘅，佢喺我生日嘅時候冇表示，我就唔使喺佢生日嘅時候有表示。（會唔會太冇情趣？）唔會嘅，（已經老夫老妻？）OK嘅。」

吳家忻剛度過24歲生日。

生日與男友過二人世界。

家忻透露網劇《她和她的戀愛小動作》將會在下月播映。

她已經呼籲男友及身邊朋友到時要睇新劇。

 

樣子甜美的家忻深受歡迎。

家忻透露其主演的網劇《她和她的戀愛小動作》將會在下月播映，她笑指已呼籲男友及身邊朋友到時要收看，問她對自己的演技是否有信心？她指拍攝時也有問男友意見：「喜劇節奏感好重要，好多位我怕自己未拿捏得最好，都有問佢點樣做得好笑啲，（有冇喺屋企同你排戲？）冇， 但佢就教我點樣先至唔會做多又好笑。」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ