黑亞當丨Dwayne Johnson演繹怒火正義L 超級反派阻佢者必死

DC 反英雄電影《黑亞當》(Black Adam)強勢駕臨！「The Rock」狄維莊遜(Dwayne Johnson)重量級加盟DC宇宙，擔演被賦予遠古眾神之力的超級大反派「黑亞當」(Black Adam)，將與「美國正義協會」的一眾正義英雄正面交鋒！

惡鬥人物包括《新鐵金剛》系列皮雅斯布士南(Pierce Brosnan)飾演的「命運博士」(Dr. Fate)、《烈探狙擊：誓不回頭》艾迪士荷治(Aldis Hodge)飾演的「鷹俠」(Hawkman)、《愛的過去進行式》諾亞森迪尼奧(Noah Centineo)飾演的「原子粉碎者」(Atom Smasher)、美劇《毒癮女孩Euphoria》昆塔莎斯溫德爾(Quintessa Swindell)飾演的「旋風/炫風」(Cyclone)等，必定掀起一場前所未有的黑色風暴！ 

約2分鐘的預告中，知道狄維莊遜主演角色的起源，以及點樣轉變自己的心境，同時亦展示咗黑亞當好似超人咁勁強嘅力量、速度及神力，除可睇到黑亞當帶住怒火行使正義外，更可以睇到正義協會的成員，包括鷹俠、命運博士、原子粉碎者和旋風等人大Show超能力，睇預告睇到眼都花。

《黑亞當》故事描述在被賦予遠古眾神之力並被囚禁近 5000 年後，黑亞當終於從佢嘅墓地獲得解放，並準備喺現代世界中展現不一樣的捍衛正義方式。狄維莊遜曾表示，黑亞當將改變DC宇宙權力等級，也分享自己對黑亞當的見解：「超人唔會殺死任何人，有一套佢遵循嘅道德標準，黑亞當亦有自己嘅獨特準則。譬如佢會毫不猶豫撕裂任何阻礙佢嘅人，呢個就係點解黑亞當可能更屬於超級反派而唔係超級英雄。」導演贊美哥勒施拉也強調：「呢部唔係典型嘅超級英雄電影，尤其黑亞當從未被搬上大銀幕，我哋希望以一個前所未見嘅方式嚟呈現黑亞當。」
 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ