MC出活動多口助手無影 強烈否認Yee Yee代發聲:佢言論唔代表我

MC張天賦今日出席一個珠寶活動，其助手Yee Yee近日在網上發表不少針對洪嘉豪（Kaho）的惹火言論，但今日未見她現身活動，MC則指Yee Yee的私人助手身份不變，但事情會交由公司處理，對於Yee Yee疑斥Kaho的歌很悶，又指他的粉絲在演唱會派應援棒是製造垃圾，MC強調很喜歡Kaho的歌，一點都不覺得悶，但應援物不到他給意見，問到可怕引起Kaho的粉絲不滿，他說：「交給公司處理。（擔心兩人的粉絲不和？）唔想有呢啲情況，難得樂壇百花齊放，唔希望有呢啲唔開心的事。」

MC今日心情唔錯。

MC強調助手講嘅嘢唔代表佢。

多口助手今日冇跟MC出席活動。

冇影響同嘉豪兄弟情

對於Yee Yee是MC的私人助手，幫他處理大小事情，問到可會要求她日後小心說話？MC稱這是公司責任，並否認Yee Yee是代他發聲，「我唔會咁講說話，她的言論不代表我，Kaho絕對是是好朋友好兄弟。（她的言論令你尷尬？）我最擔心是Kaho，但同佢傾過，對佢無太大影響，我需要著重的是兄弟情，而唔喺其他事情。」

MC好著重兄弟情。

夜晚食兩個飯盒增肥
另外，有指因Kaho 穿針引線才能加入華納，MC表示一開始是華納找他合作，並非Kano找他，他沒有其他事再補充。MC最近正忙於增肥，為稍後舉行的個人演唱會做準備，但仍未肯透露是否於紅館開騷，只謂很快會有公佈，又說現在很開心能夠喪食，希望增肥10磅再操肌，「之前減肥主要不食飯，但現在晚上可以食兩個飯盒，可以食飯，個人都踏實咗，冇咁空虛，希望是增加肌肉不是增加脂肪，不敢講到時會不會騷肌，但至少要Show的話都有得Show。（唔怕之後減唔返？）唔怕，但一想到要減就很失落。」

MC否認Kaho 穿針引線帶佢入華納。

MC唔肯講係咪舉行紅館Show。

MC希望增肥10磅再操肌。

MC諗到之後可以喪食就好開心。

佢塊面好似已經飽滿咗。

MC透露可以食飯個人都踏實咗。

Fans好怕醜。

有「賦二代」撐場。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ