公屋難求｜等足6年用盡3次編配機會 港女一家3口上樓呻「細到爆」

公屋難求，等到上樓就如中六合彩，有女網民大呻，一家三口等足6年，獲派公屋，兼用盡3次機會揀屋，呻最新獲編配的單位「細到爆」，話「好失望」，不過反被網民批評「嫌三嫌四」，認為事主可以上樓總好過住劏房。

該名女子在社交網「香港公營房屋討論區(FB版)」發文，指其一家三口輪候了6年，終於獲派公屋，之前已拒絕兩次配房，最後一派獲分配到有36年樓齡的長康邨康順樓1個3人單位，形容單位「細到爆」，大呻好失望。不過她並沒有交代上次拒絕配房原因。

長康邨環境設施逐格睇請點擊圖輯：

女網民最後一派獲配長康邨康順樓一單位。資料圖片

邨內設有商場。網圖

商場內有各式店鋪。網圖

屋邨亦設有停車場。網圖

屋邨內亦設有巴士總站。網圖

根據資料，長康邨位處青衣島南，康順樓於1986年落成，屬標準Y1型大廈，2至3人單位一般面積為24.35平方米（約262呎）。

帖文一出，不少網民都批評女網友嫌三嫌四：「呢間大定劏房大」、「有瓦遮頭仲喺度嫌細」，「排咗6年就有好幸福了」，亦有幫佢計埋條數，認為提早2年上樓「已省了19萬2千，你唔呻下錢多？」。有人寸爆指，「唔好委屈自己，可以用6年再排多次。」

亦有街坊網友建議，已是最後一派，應該接受「住咗先」，日後考慮轉買綠置居。

房委會資助房屋小組主席黃碧如早前曾在電台節目表示，重新編配的單位不一定「好過上次」，配屋有公平的做法，同時單位需重新分配予其他申請者，變相有單位有一段時間空置，耽誤其他人的輪候時間。

根據2013年審計署的數據，48%公屋申請者首次就接受獲配單位，用盡三次配屋機會的申請者只佔15%。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ